Toyota Rumion : సేఫ్టీలో ఇక డోకా లేదు.. ఆరు ఎయిర్‌బ్యాగ్స్‌తో కొత్త రూమియాన్ వచ్చేసింది

Toyota Rumion : ఆటోమొబైల్ కంపెనీలు ఇప్పుడు వాహనాల సేఫ్టీ పై గతంలో కంటే ఎక్కువ శ్రద్ధ చూపుతున్నాయి. ఈ పండుగ సీజన్‌లో కొత్త కారు కొనుగోలు చేయాలనుకుంటే, మీ కుటుంబ భద్రతను కూడా దృష్టిలో ఉంచుకోవడం చాలా ముఖ్యం. మారుతి సుజుకి ఎర్టిగాకు గట్టి పోటీ ఇస్తున్న టయోటా రూమియన్ ఇప్పుడు మరింత సురక్షితంగా మారింది. ఈ కారులో ఇప్పుడు అదనపు భద్రతా ఫీచర్లు లభిస్తున్నాయి.

టయోటా ఇప్పుడు రూమియన్ కారు అన్ని వేరియంట్లలో 6 ఎయిర్‌బ్యాగ్స్‌ను అందిస్తోంది. ఈ కొత్త అప్‌గ్రేడ్ తర్వాత, మీకు డ్యూయల్ ఫ్రంట్, సైడ్, కర్టెన్ షీల్డ్ ద్వారా 360 డిగ్రీల రక్షణ లభిస్తుంది. అంతేకాకుండా, కంపెనీ ఈ కారులోని V గ్రేడ్ టాప్ వేరియంట్‌లో టైర్ ప్రెషర్ మానిటరింగ్ సిస్టమ్ను కూడా చేర్చింది.

6 ఎయిర్‌బ్యాగ్స్‌తో పాటు, టయోటా రూమియన్‌లో వెహికల్ స్టెబిలిటీ కంట్రోల్, ఏబీఎస్ విత్ ఈబీడీ, హిల్ హోల్డ్ అసిస్ట్, బ్రేక్ అసిస్ట్, ఐఎస్ఓఎఫ్ఐఎక్స్ చైల్డ్ సీట్ సపోర్ట్ వంటి సేఫ్టీ ఫీచర్లు ఉన్నాయి. ఈ అదనపు ఫీచర్ల వల్ల ఈ కారు మరింత సురక్షితంగా మారింది.

మారుతి సుజుకి ఎర్టిగాకు పోటీగా వచ్చిన ఈ కారు ధర రూ. 10,44,200 (ఎక్స్-షోరూమ్) నుండి మొదలవుతుంది. ఈ ధరలో మీకు ఈ కారు బేస్ వేరియంట్ లభిస్తుంది. ఒకవేళ మీరు ఈ కారు టాప్ వేరియంట్ కొనుగోలు చేయాలంటే, రూ. 13,61,800 (ఎక్స్-షోరూమ్) ఖర్చు చేయాల్సి ఉంటుంది. మారుతి సుజుకి ఎర్టిగా బేస్ వేరియంట్ ధర రూ. 8,80,000 (ఎక్స్-షోరూమ్), టాప్ వేరియంట్ ధర రూ. 12,94,100 (ఎక్స్-షోరూమ్)గా ఉంది.

ఈ కారులో 1.5 లీటర్ కె సిరీస్ ఇంజిన్ అమర్చారు, ఇది పెట్రోల్ , సీఎన్‌జీ ఆప్షన్లతో లభిస్తుంది. ఈ కారు పెట్రోల్ వేరియంట్ ఒక లీటర్ పెట్రోల్‌కు 20.51 కిలోమీటర్ల మైలేజ్ ఇస్తుంది. అదే సమయంలో, సీఎన్‌జీ వేరియంట్ ఒక కిలోగ్రామ్ సీఎన్‌జీలో 26.11 కిలోమీటర్ల దూరం ప్రయాణించగలదు. ఈ కారు 5-స్పీడ్ మాన్యువల్, 6-స్పీడ్ ఆటోమేటిక్ ట్రాన్స్‌మిషన్ ఆప్షన్లలో అందుబాటులో ఉంది.