TVS : రూ.1కంటే తక్కువ ఖర్చుతో కిమీ ప్రయాణం.. . టీవీఎస్ కొత్త స్కూటర్ లాంచ్​కు రెడీ

TVS : త్వరలో ఒక మంచి స్కూటర్ కొనాలని ఆలోచిస్తున్నారా? అయితే ఈ వార్త పూర్తిగా చదవండి. వీఎస్ కంపెనీ జనవరిలో జరిగిన ఆటో ఎక్స్‌పో 2025లో అనేక కొత్త టూ-వీలర్ మోడళ్లను ప్రదర్శించింది. వాటిలో టీవీఎస్ జుపిటర్ సీఎన్‌జీ కూడా ఒకటి. ఈ సీఎన్‌జీ స్కూటర్‌ను రాబోయే నెలల్లో విడుదల చేసే అవకాశం ఉందని నివేదికలు చెబుతున్నాయి. టీవీఎస్ జుపిటర్ సీఎన్‌జీ ప్రపంచంలోనే మొదటి సీఎన్‌జీ పవర్డ్ స్కూటర్ అని చెబుతున్నారు. ఈ స్కూటర్ ఒక కిలోమీటర్ ప్రయాణించడానికి కేవలం ఒక రూపాయి కంటే తక్కువ ఖర్చు అవుతుందని కంపెనీ చెబుతోంది. ఇందులో 1.4 కిలోల సీఎన్‌జీ ట్యాంక్‌ను సీటు కింద అమర్చారు. దీనివల్ల బూట్ స్పేస్ కొద్దిగా తగ్గే అవకాశం ఉంది.

ఈ స్కూటర్ ఒక కిలో సీఎన్‌జీతో 84 కిలోమీటర్ల మైలేజ్ ఇస్తుందని కంపెనీ చెబుతోంది. ఒక్కసారి ట్యాంక్ ఫుల్ చేస్తే, ఇది 226 కిలోమీటర్ల వరకు ప్రయాణించగలదు. ఇది చాలా అద్భుతమైన మైలేజ్ అని చెప్పవచ్చు. జుపిటర్ సీఎన్‌జీలో ఓబీడీ2బీ కంప్లైంట్ ఇంజిన్ ఉంది. ఇందులో 125 సీసీ బయో-ఫ్యూయల్ ఇంజిన్ ఉంటుంది. ఇది 6,000 ఆర్‌పీఎం వద్ద 5.3 కిలోవాట్ల శక్తిని, 5,500 ఆర్‌పీఎం వద్ద 9.4 ఎన్ఎమ్ టార్క్‌ను ఉత్పత్తి చేస్తుంది.

ః

ఇందులో ఎల్‌ఈడీ హెడ్‌లైట్స్, యూఎస్‌బీ ఛార్జర్, స్టాండ్ కట్-ఆఫ్, బ్లూటూత్ కనెక్టివిటీ వంటి అడ్వాన్సుడ్ ఫీచర్లు ఉన్నాయి. ఈ స్కూటర్ పర్యావరణానికి అనుకూలంగా, ఇంధనాన్ని ఆదా చేసేలా రూపొందించబడింది. ప్రస్తుతం టీవీఎస్ జుపిటర్ 125 పెట్రోల్ వెర్షన్ ధర రూ. 88,174 నుంచి రూ. 99,015 మధ్య ఉంది. కొత్త సీఎన్‌జీ వెర్షన్ కూడా దాదాపు ఇదే రేంజ్‌లో, అంటే రూ. 90,000 నుంచి రూ. 99,000 మధ్య లాంచ్ అయ్యే అవకాశం ఉంది.