Ultraviolette X-47 Crossover: బైక్ కాదు.. ఇది ఫైటర్ జెట్.. 24 గంటల్లో 3000 బుకింగ్స్.. ఎందుకింత క్రేజ్?

Ultraviolette X-47 Crossover: భారత మార్కెట్‌లో ఎలక్ట్రిక్ వాహనాలకు డిమాండ్ రోజురోజుకూ పెరుగుతోంది. దీనికి తాజా నిదర్శనం అల్ట్రావయోలెట్ X-47 క్రాస్‌ఓవర్ ఎలక్ట్రిక్ బైక్. ఈ హై-టెక్ బైక్ లాంచ్ అయిన కేవలం 24 గంటల్లోనే 3,000 కంటే ఎక్కువ బుకింగ్‌లు సాధించి సంచలనం సృష్టించింది. కస్టమర్ల నుంచి అద్భుతమైన స్పందన రావడంతో, కంపెనీ తమ ప్రారంభ ఆఫర్‌ను కూడా 5,000 మంది కస్టమర్‌ల వరకు పొడిగించింది.

అల్ట్రావయోలెట్ ఎల్లప్పుడూ తన అడ్వాన్సుడ్ టెక్నాలజీ, ఇన్నోవేటివ్ డిజైన్‌లకు ప్రసిద్ధి చెందింది. ఈ X-47 బైక్‌ను కంపెనీ ఫైటర్ జెట్ DNAతో డిజైన్ చేసింది. ఇది కేవలం చూడటానికి ఫ్యూచరిస్టిక్‌గా ఉండటమే కాక, రోడ్డుపై కూడా అంతే పవర్‌ఫుల్ పెర్ఫార్మెన్స్ ఇస్తుంది. ఇందులో 10.3 kWh బ్యాటరీని అమర్చారు, ఇది ఒకే ఛార్జ్‌తో 323 కి.మీ.దూరం ప్రయాణిస్తుంది.పవర్ విషయానికి వస్తే, ఈ బైక్ కేవలం 2.7 సెకన్లలో 0 నుండి 60 కి.మీ./గంట వేగాన్ని అందుకుంటుంది. దీని టాప్ స్పీడ్ 145 కి.మీ./గంట, ఇది పెట్రోల్ బైక్‌లకు గట్టి పోటీనిస్తుంది.

X-47 క్రాసోవర్‌ను ప్రత్యేకంగా నిలబెట్టే అతిపెద్ద విషయం ఏమిటంటే.. ఇందులో రేడార్, కెమెరా ఇంటిగ్రేషన్ ఉన్నాయి. ఈ ఫీచర్ ఇప్పటివరకు కేవలం లగ్జరీ కార్లలో మాత్రమే ఉండేది. దీనివల్ల రైడర్‌కు ప్రతి పరిస్థితుల్లోనూ మెరుగైన భద్రత లభిస్తుంది. డ్యూయల్-కెమెరా డ్యాష్‌క్యామ్, రేడార్-పవర్‌డ్ సేఫ్టీ సిస్టమ్ కూడా ఇందులో ఉన్నాయి. ఈ ఎలక్ట్రిక్ బైక్‌లో 10వ జనరేషన్ బోష్ డ్యూయల్-ఛానల్ ABS, బ్రెంబో బ్రేక్‌లు, 3-లెవల్ ట్రాక్షన్ కంట్రోల్ వంటి అడ్వాన్సుడ్ సేఫ్టీ ఫీచర్లు ఉన్నాయి. దీని SUV వంటి స్టాన్స్, ఆల్-టెర్రైన్ టైర్లు రైడింగ్‌ను మరింత అడ్వెంచరస్‌గా మారుస్తాయి.

ముందు భాగంలో 41ఎంఎం ఫ్రంట్ ఫోర్క్స్, వెనుక భాగంలో మోనో-షాక్ అడ్జస్టబుల్ సెటప్ ఉంది. ఇది వివిధ రోడ్ కండిషన్స్‌లో స్మూత్ రైడింగ్ ఎక్స్‌పీరియన్స్‌ను అందిస్తుంది. ఈ బైక్‌లో గ్లైడ్, కంబాట్, బాలిస్టిక్ అనే మూడు రైడింగ్ మోడ్‌లు ఉన్నాయి. రైడర్ తన అవసరానికి తగ్గట్టుగా వీటి మధ్య మారవచ్చు. అల్ట్రావయోలెట్ X-47 క్రాసోవర్‌లో 5-అంగుళాల TFT డిస్‌ప్లే, స్మార్ట్ కంట్రోల్స్ ఉన్నాయి. టైప్-C ఛార్జింగ్ పోర్ట్, వైర్‌లెస్ కనెక్టివిటీ, స్మార్ట్‌ఫోన్ ఇంటిగ్రేషన్ వంటి అడ్వాన్సుడ్ ఫీచర్లతో ఇది వస్తుంది.

అల్ట్రావయోలెట్ X-47 క్రాసోవర్ ప్రారంభ ధర రూ.2.49 లక్షలు (ఎక్స్-షోరూమ్). కంపెనీ అధికారిక వెబ్‌సైట్‌లో కేవలం రూ.999 తో బుకింగ్‌లు ప్రారంభమయ్యాయి. భారతదేశంలో డెలివరీలు అక్టోబర్ 2025 నుండి ప్రారంభమవుతాయి, ప్రపంచవ్యాప్త డెలివరీలు 2026లో జరుగుతాయి. ఈ బైక్ భవిష్యత్తు ఎలక్ట్రిక్ మొబిలిటీకి ఒక మార్గదర్శిగా నిలవనుంది.