Volkswagen : ఫోక్స్‌వ్యాగన్ బంపర్ ఆఫర్.. ఏకంగా రూ. 4.5 లక్షల వరకు భారీ డిస్కౌంట్

Volkswagen : జర్మన్ కార్ల దిగ్గజం ఫోక్స్‌వ్యాగన్ కొత్త ఏడాది వేళ అదిరిపోయే ఆఫర్లతో ముందుకొచ్చింది. తన పాపులర్ మోడల్స్ అయిన టైగన్, వర్టస్, టిగువాన్‌లపై కళ్లు చెదిరే డిస్కౌంట్లను ప్రకటించింది. ముఖ్యంగా 2025 మోడల్ ఇయర్ స్టాక్ క్లియర్ చేసే పనిలో భాగంగా ఏకంగా రూ.4.5 లక్షల వరకు తగ్గింపును ఇస్తోంది. ప్రీమియం కారు కొనాలనుకునే వారికి ఇది ఒక సువర్ణావకాశం అని చెప్పాలి. ఫోక్స్‌వ్యాగన్ ఇండియా ప్రస్తుతం తన వినియోగదారుల కోసం అద్భుతమైన రాయితీలను ప్రకటించింది. ప్రధానంగా తన ఫ్లాగ్‌షిప్ ఎస్‌యూవీ అయిన టిగువాన్ ఆర్‌-లైన్ పై అత్యధికంగా రూ.4.5 లక్షల వరకు ప్రయోజనాలను అందిస్తోంది. ఇందులో రూ.3.5 లక్షల డైరెక్ట్ క్యాష్ డిస్కౌంట్‌తో పాటు, రూ.50,000 లాయల్టీ బోనస్, రూ.50,000 ఎక్స్ఛేంజ్ బోనస్ కూడా ఉన్నాయి. ఒక ప్రీమియం ఎస్‌యూవీపై ఇంత పెద్ద మొత్తంలో డిస్కౌంట్ రావడం చాలా అరుదు. లగ్జరీ మరియు పర్ఫార్మెన్స్ కోరుకునే వారికి ఇది సరైన సమయం.

కాంపాక్ట్ ఎస్‌యూవీ విభాగంలో దుమ్మురేపుతున్న ఫోక్స్‌వ్యాగన్ టైగన్ పై కూడా ఆకర్షణీయమైన డీల్స్ ఉన్నాయి. టైగన్ జీటీ ప్లస్ డీఎస్‌జీ వేరియంట్‌పై వినియోగదారులు ఏకంగా రూ.2.9 లక్షల వరకు పొదుపు చేయవచ్చు. ఎంట్రీ లెవల్ కంఫర్ట్‌లైన్ వేరియంట్‌పై కూడా రూ.1.3 లక్షల కంటే ఎక్కువ ప్రయోజనాలు లభిస్తున్నాయి. ఈ ఆఫర్లలో కేవలం క్యాష్ డిస్కౌంట్లు మాత్రమే కాకుండా, కార్పొరేట్ ఉద్యోగులకు రూ. 40,000 వరకు అదనపు బెనిఫిట్స్ కూడా కంపెనీ అందిస్తోంది.

సెడాన్ ప్రియుల కోసం ఫోక్స్‌వ్యాగన్ వర్టస్ పై కూడా అదిరిపోయే ఆఫర్లు ఉన్నాయి. వేరియంట్‌ను బట్టి ఈ కారుపై రూ.1.8 లక్షల వరకు డిస్కౌంట్ లభిస్తోంది. ముఖ్యంగా హైలైన్, టాప్‌లైన్, ఆటోమేటిక్ వెర్షన్లపై క్యాష్ డిస్కౌంట్లు ఎక్కువగా ఉన్నాయి. పర్ఫార్మెన్స్, సేఫ్టీ, స్టైల్ కలగలిసిన వర్టస్ కారు ఇప్పుడు మరింత సరసమైన ధరకే అందుబాటులోకి రావడం విశేషం.

అయితే ఈ ఆఫర్లు అన్నీ స్టాక్ ఉన్నంత వరకు మాత్రమే వర్తిస్తాయి. అలాగే నగరాలు, డీలర్ల ఆధారంగా ఈ డిస్కౌంట్ మొత్తంలో స్వల్ప మార్పులు ఉండే అవకాశం ఉంది. కొత్త కార్లపై వేలల్లో వెయిటింగ్ పీరియడ్ ఉన్న ఈ రోజుల్లో, రెడీగా ఉన్న 2025 మోడల్ స్టాక్‌పై లక్షల్లో డిస్కౌంట్ పొందడం నిజంగా గ్రేట్ డీల్. ఫోక్స్‌వ్యాగన్ కారు కొనాలని చాలా కాలంగా ప్లాన్ చేస్తున్న వారు తమ సమీపంలోని డీలర్‌ను సంప్రదించి మరిన్ని వివరాలు తెలుసుకోవడం మంచిది.