Bank FD Interest Rates : ఎఫ్‎డీ 8.30% వడ్డీ ఛాన్స్..మీ డబ్బుకు బెస్ట్ రిటర్న్ ఇచ్చే బ్యాంకు ఇదే

Bank FD Interest Rates : భవిష్యత్తును సురక్షితం చేసుకోవడానికి, పెట్టుబడుల ద్వారా స్థిరమైన ఆదాయం పొందడానికి బ్యాంకు ఫిక్స్‌డ్ డిపాజిట్లు ఒక ఉత్తమమైన మార్గం. అయితే ఏ బ్యాంకు అధిక వడ్డీని అందిస్తుందో తెలుసుకోవడం చాలా ముఖ్యం. ఎందుకంటే బ్యాంకులు మార్కెట్ పరిస్థితులు, లిక్విడిటీ ఆధారంగా వడ్డీ రేట్లను ఎప్పటికప్పుడు మారుస్తుంటాయి. ప్రస్తుతం, ప్రభుత్వ రంగ, ప్రైవేట్, స్మాల్ ఫైనాన్స్ బ్యాంకులు భిన్నమైన వడ్డీ రేట్లను అందిస్తున్నాయి. దీని వల్ల ఎఫ్డీ చేయాలనుకునే వారికి అధిక రాబడి పొందే అవకాశం లభిస్తుంది.

ప్రస్తుతం ప్రధాన బ్యాంకులు సాధారణ, సీనియర్ సిటిజన్లకు అందిస్తున్న వడ్డీ రేట్ల వివరాలు చూద్దాం.

RBL బ్యాంక్: ఈ బ్యాంక్ అత్యధికంగా 8.30% వరకు వడ్డీని (సీనియర్ సిటిజన్లకు) అందిస్తోంది. సాధారణ కస్టమర్‌లకు 3.50% నుంచి 7.80% వరకు వడ్డీ ఉంది.

స్టేట్ బ్యాంక్ ఆఫ్ ఇండియా (SBI): సాధారణ కస్టమర్‌లకు 3.05% నుంచి 6.60% వరకు, సీనియర్ సిటిజన్‌లకు 0.50% అదనపు వడ్డీతో గరిష్టంగా 7.10% వరకు వడ్డీ లభిస్తుంది. ఒక సంవత్సరం ఎఫ్డీపై సాధారణంగా 6.25% మరియు సీనియర్ సిటిజన్‌లకు 6.75% వడ్డీ ఉంది.

పంజాబ్ నేషనల్ బ్యాంక్ (PNB): సాధారణ కస్టమర్‌లకు 3.00% నుంచి 6.60% వరకు, సీనియర్ సిటిజన్‌లకు 6.90% వరకు వడ్డీ ఇస్తోంది. ఒక సంవత్సరం ఎఫ్డీపై సాధారణంగా 6.25%, సీనియర్ సిటిజన్‌లకు 6.75% వడ్డీ ఉంది.

HDFC బ్యాంక్, ICICI బ్యాంక్, బ్యాంక్ ఆఫ్ బరోడా (BoB): ఈ మూడు బ్యాంకులు సాధారణంగా ఒక సంవత్సరం FDపై 6.25% మరియు సీనియర్ సిటిజన్‌లకు 6.75% వడ్డీని అందిస్తున్నాయి. ప్రత్యేక స్లాబ్‌లలో సీనియర్ సిటిజన్‌లకు 7.10% వరకు వడ్డీ లభించే అవకాశం ఉంది.

కోటక్ మహీంద్రా బ్యాంక్: సాధారణ కస్టమర్‌లకు 2.75% నుంచి 6.70% వరకు, సీనియర్ సిటిజన్‌లకు 7.10% వరకు వడ్డీ ఉంది. ఒక సంవత్సరం ఎఫ్డీ పై ఇక్కడ కూడా సాధారణంగా 6.25%, సీనియర్ సిటిజన్‌లకు 6.75% వడ్డీ లభిస్తుంది.

DCB బ్యాంక్: ఈ బ్యాంక్ కూడా మంచి రేట్లను అందిస్తోంది. సాధారణ కస్టమర్‌లకు 3.75% నుంచి 7.20% వరకు, సీనియర్ సిటిజన్‌లకు 4.00% నుంచి 7.70% వరకు వడ్డీ అందుబాటులో ఉంది. ఒక సంవత్సరం ఎఫ్డీపై సాధారణ కస్టమర్‌లకు 6.90%–7.00%, సీనియర్ సిటిజన్‌లకు 7.15%–7.50% వరకు వడ్డీ లభిస్తోంది.

పెట్టుబడిదారులు తమ బడ్జెట్, సమయ పరిమితికి అనుగుణంగా ఏ బ్యాంక్ ఎక్కువ వడ్డీని ఇస్తుందో పరిశీలించుకోవడం మంచిది. ముఖ్యంగా RBL బ్యాంక్, DCB బ్యాంక్ వంటి ప్రైవేట్/స్మాల్ ఫైనాన్స్ బ్యాంకులు కొన్ని ప్రత్యేక కాలవ్యవధులకు అధిక వడ్డీ రేట్లను అందిస్తున్నాయి. ఈ రేట్లను సరిచూసుకుని ఎఫ్డీ చేస్తే మంచి రాబడి పొందవచ్చు.