Jeff Bezos : అమెజాన్ బాస్ జెఫ్ బెజోస్ పెళ్లి కార్డు వచ్చేసింది.. చూస్తే షాకవుతారు

Jeff Bezos : ప్రపంచంలోనే రెండో అత్యంత సంపన్న వ్యక్తి జెఫ్ బెజోస్ ఈ రోజుల్లో తన పెళ్లితో వార్తల్లో నిలుస్తున్నారు. ఆయన తన కాబోయే భార్య లారెన్ సాంచెజ్ ను ఇటలీలోని అందమైన నగరం వెనిస్‌లో పెళ్లి చేసుకోబోతున్నారు. అయితే, ఈ హై-ప్రొఫైల్ వెడ్డింగ్ కు ముందు, వారి వెడ్డింగ్ ఇన్విటేషన్ కార్డు ఇంటర్నెట్‌లో వైరల్ అయ్యింది. అయితే, ఈసారి ప్రశంసల కంటే, ట్రోలింగ్ గురించే ఎక్కువ చర్చ జరుగుతోంది.

బెజోస్, సాంచెజ్ పెళ్లి కార్డు బయటికి రాగానే సోషల్ మీడియాలో జనం ఆశ్చర్యం వ్యక్తం చేశారు. చాలా మంది యూజర్లు కార్డు డిజైన్ చాలా సింపుల్‌గా ఉందని అభిప్రాయపడ్డారు. ఎక్స్ లో ఒక నెటిజన్, "ఈ కార్డు మైక్రోసాఫ్ట్ పెయింట్‌తో తయారు చేశారా?" అని రాశారు. మరొకరు, "డబ్బు ఉంది, కానీ క్లాస్ లేదు!" అని అన్నారు. బిలియన్ల డాలర్ల అధిపతి బెజోస్ నుండి ప్రజలు ఏదైనా చాలా అద్భుతంగా, క్రియేటివ్‌గా ఊహించారు, కానీ ఈ కార్డు వారిని నిరాశపరిచింది.

జెఫ్ బెజోస్ కాబోయే భార్య లారెన్ సాంచెజ్ వృత్తిరీత్యా జర్నలిస్ట్, న్యూస్ యాంకర్ . ఆమె చాలా కాలం పాటు అమెరికన్ టీవీలో పనిచేశారు. సాంచెజ్, బెజోస్ దాదాపు ఆరు సంవత్సరాలుగా కలిసి ఉన్నారు. బెజోస్ ఆమెకు 2023లో ప్లాటినం డైమండ్ రింగ్ ఇచ్చి ప్రపోజ్ చేశారు. దీని ధర దాదాపు 34 మిలియన్ డాలర్లు (సుమారు రూ.2530 కోట్లు).

బెజోస్ పెళ్లి మూడు రోజుల పాటు జరుగుతుంది. ప్రపంచం దృష్టి దీనిపైనే ఉంది. వెనిస్‌లోని విలాసవంతమైన హోటళ్ళలో అతిథుల కోసం ప్రత్యేక ఏర్పాట్లు చేశారు. వీటిలో హోటల్ గ్రిటీ ప్యాలెస్, సెయింట్ రెగిస్, బెల్మాండ్ సిప్రియాణి, హోటల్ డేనియెల్లి వంటి రిసార్ట్‌లు ఉన్నాయి.

ఇంతేకాకుండా, పెళ్లికి హాజరయ్యే అతిథుల కోసం 90 ప్రైవేట్ జెట్‌లను, 30 వాటర్ టాక్సీలను ఏర్పాటు చేశారు. వీటి మీద వారు నేరుగా వేదిక వద్దకు రావచ్చు. నది మార్గం ద్వారా వేదికకు తీసుకెళ్లే ఈ ఏర్పాటు వెనిస్ అందాన్ని మరింత పెంచుతుంది. పెళ్లి కార్డు సోషల్ మీడియాలో ట్రోల్ అయినప్పటికీ, బెజోస్ ఈ వివాహంపై ఉత్సాహం తగ్గలేదు. ప్రపంచం నలుమూలల నుండి విఐపి గెస్టులు వచ్చే అవకాశం ఉంది. పెళ్లిలోని ప్రతి అంశాన్ని మీడియా నిశితంగా కవర్ చేస్తోంది.