Online Shopping : గ్రామాల్లోనూ ఆన్‌లైన్ షాపింగ్ జోరు.. UPIతో 84శాతం పేమెంట్స్

Online Shopping : భారతదేశ డిజిటల్ కామర్స్ ఇప్పుడు కొత్త దశలోకి అడుగుపెట్టింది. గ్రామాలకు కూడా ఇంటర్నెట్ చేరడంతో, పట్టణాల మాదిరిగానే గ్రామీణ ప్రాంతాల ప్రజలు కూడా ఆన్‌లైన్ షాపింగ్, డిజిటల్ పేమెంట్స్ చేస్తున్నారు. ఒక కొత్త నివేదిక ప్రకారం, ప్రస్తుతం భారతదేశంలో 88.6 కోట్ల మంది ఇంటర్నెట్‌ను ఉపయోగిస్తున్నారు, వీరిలో 55శాతం మంది గ్రామీణ ప్రాంతాల నుంచే ఉన్నారు. అంతేకాకుండా, ఇప్పుడు 84శాతం లావాదేవీలు యూపీఐ ద్వారా జరుగుతున్నాయి. అంటే, చాలా మంది నగదుకు బదులుగా మొబైల్ ద్వారానే చెల్లింపులు చేస్తున్నారు.

షిప్ రాకెట్, కేపీఎంజీ సంయుక్తంగా విడుదల చేసిన “మేడ్ ఫర్ భారత్, పవర్‌డ్ బై AI: ది న్యూ ఏజ్ ఆఫ్ కామర్స్” నివేదిక ప్రకారం, భారతదేశంలో డిజిటల్ మార్పు వేగం ఇప్పుడు గ్రామాల వరకు చేరుకుంది. షిప్రాయకెట్ శివిర్ 2025 కార్యక్రమంలో ఈ నివేదికను విడుదల చేశారు. 2025 నాటికి డైరెక్ట్-టు-కన్స్యూమర్ బ్రాండ్స్ మార్కెట్ 100 బిలియన్ డాలర్లకు చేరుకోవచ్చని నివేదిక తెలిపింది.

ప్రస్తుతం డీ2సీ నిధుల విషయంలో భారతదేశం ప్రపంచంలో రెండో స్థానంలో ఉంది. క్విక్ కామర్స్, అంటే కొన్ని నిమిషాల్లోనే ఇంటి వద్దకు డెలివరీ చేసే సదుపాయం ఇప్పుడు కేవలం నగరాలకే పరిమితం కాలేదు. ఇది గ్రామాలు, చిన్న పట్టణాల్లో కూడా బాగా ప్రాచుర్యం పొందింది. ప్రతి నెలా 50% మంది ప్రజలు ఐదు లేదా అంతకంటే ఎక్కువ ఆర్డర్‌లు ఇస్తున్నారని నివేదిక పేర్కొంది.