Dry Day : ఆగస్టులో ఈ తేదీల్లో మద్యం దుకాణాలు బంద్

Dry Day : సాధారణంగా గణతంత్ర దినోత్సవం, స్వాతంత్ర్య దినోత్సవం, గాంధీ జయంతి వంటి ముఖ్యమైన రోజులలో మాత్రమే 'డ్రై డే' ఉంటుంది. అంటే, ఆ రోజులలో మద్యం అమ్మకాలు జరగవు. అయితే, ఈసారి ఆగస్టు నెలలో ఒకటో రెండో కాదు, ఏకంగా మూడు రోజుల పాటు డ్రై డే ఉండబోతోంది. మీరు మద్యం ప్రియులైతే ఈ డ్రై డేస్‌కు ముందుగానే స్టాక్ తెచ్చిపెట్టుకోవడం మంచిది. ఆగస్టులో డ్రై డేలు ఎప్పుడెప్పుడు ఉన్నాయో వివరంగా తెలుసుకుందాం.

ఆగస్టులో డ్రై డేలు ఎప్పుడంటే?

ఈసారి ఆగస్టు నెలలో మూడు రోజులు డ్రై డేలుగా ప్రకటించారు. ఆగస్టు 15న స్వాతంత్ర్య దినోత్సవం సందర్భంగా అన్ని మద్యం దుకాణాలు మూసివేసి ఉంటాయి. ఆ మరుసటి రోజు, అంటే ఆగస్టు 16న జన్మాష్టమి సందర్భంగా ఢిల్లీ, ఎన్‌సీఆర్, ఉత్తర భారతదేశంలోని చాలా రాష్ట్రాల్లో డ్రై డే అమలులో ఉంటుంది. ఆగస్టులో చివరి డ్రై డే 27న గణేష్ చతుర్థి సందర్భంగా ఉంటుంది.

డ్రై డే రోజున ఎక్కడ మద్యం లభించదు?

డ్రై డే రోజున అన్ని రిటైల్ మద్యం దుకాణాలు మూసేసి ఉంటాయి. అంతేకాకుండా, రెస్టారెంట్లు, పబ్‌లలో కూడా మద్యం, బీర్ అమ్మకాలు పూర్తిగా నిలిపివేస్తారు. ఒకవేళ ఏ దుకాణదారుడు లేదా పబ్ యజమాని అయినా అక్రమంగా మద్యం అమ్ముతూ పట్టుబడితే, వారిపై ఎక్సైజ్ శాఖ నిబంధనల ప్రకారం కఠిన చర్యలు తీసుకుంటారు.

సెప్టెంబర్, అక్టోబర్‌లో కూడా డ్రై డేలు

ఢిల్లీ ఎక్సైజ్ డిపార్ట్‌మెంట్ ప్రకారం, ఆగస్టు 15 (స్వాతంత్ర్య దినోత్సవం), అక్టోబర్ 2 (మహాత్మా గాంధీ జయంతి) నాడు అన్ని మద్యం దుకాణాలు, బార్‌లు, క్లబ్‌లు మూసి ఉంటాయి. వినాయక ఊరేగింపులు రద్దీని దృష్టిలో ఉంచుకుని సెప్టెంబర్ 5న కూడా డ్రై డే ప్రకటించే అవకాశం ఉంది.