Aadi Sai Kumar’s ‘Ego Raja’: ఆది సాయి కుమార్ ఈగో రాజా.. ఉగాది కానుకగా పవర్‌ఫుల్ ఫస్ట్ లుక్..

Aadi Sai Kumar’s ‘Ego Raja’: వైవిధ్యమైన కథలతో తనదైన ముద్ర వేస్తున్న యంగ్ హీరో ఆది సాయి కుమార్, ఉగాది పర్వదినం పురస్కరించుకుని తన కొత్త సినిమా అప్‌డేట్‌తో ప్రేక్షకుల ముందుకు వచ్చారు. ఈగో రాజా అనే ఆసక్తికరమైన టైటిల్‌తో రూపొందుతున్న ఈ చిత్రం ద్వారా ఆది సాయి కుమార్ తమిళ సినీ పరిశ్రమ లోకి అడుగుపెడుతున్నారు.

మాస్ అండ్ అగ్రెసివ్ లుక్:

విడుదలైన ఫస్ట్ లుక్ పోస్టర్ సినిమాపై అంచనాలను ఒక్కసారిగా పెంచేసింది. ఒంటిపై గాయాలు, రక్తపు మరకలతో చుట్టూ రౌడీలు ఉన్నప్పటికీ, చేతిలో సిగరెట్ పట్టుకుని ఆది చాలా అగ్రెసివ్ మాస్ లుక్‌లో కనిపించారు. ఈ పోస్టర్‌ను బట్టి చూస్తే, ఈగో రాజా ఒక హై-వోల్టేజ్ యాక్షన్ ఎంటర్టైనర్‌గా ఉండబోతోందని స్పష్టమవుతోంది.

ప్రముఖ సాంకేతిక నిపుణుల కలయిక:

ఈ చిత్రానికి టెక్నికల్ పరంగా అగ్రశ్రేణి నిపుణులు పనిచేస్తుండటం విశేషం. గతంలో కూగల్ కుట్టప్పతో విజయం అందుకున్న గురు శరవణన్ ఈ చిత్రానికి దర్శకత్వం వహిస్తున్నారు. ఆయన ప్రముఖ దర్శకుడు కె.ఎస్. రవికుమార్ శిష్యుడు కావడం గమనార్హం. విలక్షణ సంగీత దర్శకుడు జిబ్రాన్ స్వరాలు అందిస్తున్నారు. స్టార్ సినిమాటోగ్రాఫర్ మనోజ్ పరమహంస కెమెరా బాధ్యతలు చూస్తున్నారు.ఎస్‌జిఎస్ ప్రొడక్షన్స్ బ్యానర్‌పై జి. సురేశ్‌ ఈ చిత్రాన్ని నిర్మిస్తున్నారు.

తమిళ ఎంట్రీ.. సతీశ్ కీలక పాత్ర:

ఇటీవల శంబాలతో సక్సెస్ అందుకున్న ఆది, ఈ ద్విభాషా చిత్రంతో తమిళ ప్రేక్షకులను కూడా పలకరించనున్నారు. ఈ సినిమాలో కంజూరింగ్ కన్నప్పన్ ఫేమ్ సతీశ్ ఒక కీలక పాత్ర పోషిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది.