Actor Nandamuri Balakrishna: మా కాంబినేషన్ లో ప్రతీ సినిమా ఓ చరిత్ర

ప్రతీ సినిమా ఓ చరిత్ర

Update: 2025-11-29 06:08 GMT

Actor Nandamuri Balakrishna: బాలకృష్ణ, బోయపాటి శ్రీను కాంబోలో రాబోతున్న 'అఖండ 2: తాండవంఈ సినిమా డిసెంబర్ 5న ప్రపంచవ్యాప్తంగా గ్రాండ్‌గా విడుదల కానుంది.ఈ' సినిమా ప్రీ-రిలీజ్ నిన్న కూకట్ పల్లిలో జరిగింది. ఈ ఈవెంట్‌లో 'అఖండ 2 తాండవం' టీజర్‌ను కూడా విడుదల చేశారు. బాలకృష్ణ పవర్‌ఫుల్ స్పీచ్ అభిమానులను ఉర్రూతలూగించింది.

బోయపాటితో నేను కేవలం సినిమాలు చేయను. మేమిద్దరం కలిసి సినిమా అనే యజ్ఞం చేస్తాం. మా ప్రతి సినిమా ఒక చరిత్రగా నిలిచింది. ఇది కేవలం దర్శకుడి విజయం కాదు, మా ఇద్దరి ఆత్మల కలయిక.

"దర్శకత్వం అంటే కేవలం షాట్లు తీయడం కాదు, బోయపాటిది తపస్సు. అందుకే అతని సినిమాల్లో పాత్రలు ఇంత పవర్‌ఫుల్‌గా, రియలిస్టిక్‌గా ఉంటాయి.అఖండ పాత్ర నాకు నటుడిగా ఒక పునర్జన్మ ఇచ్చింది. ఆ పాత్రను ధరించినప్పుడు నేను నందమూరి బాలకృష్ణను కాదు, శివుడి స్వరూపం అఖండగా మారుతాను. మొదటి భాగం కంటే ఈ 'తాండవం' మరింత శక్తివంతంగా ఉంటుంది. ఇందులో అఖండ చేసే పోరాటం కేవలం విలన్‌లతో కాదు, సమాజంలోని అన్యాయం , దురాచారాలపై తాండవం చేస్తాడు.ప్రతి ఒక్కరూ చూడదగిన సినిమా ఇది. కేవలం వినోదం కోసమే కాదు, ఇది దేశభక్తిని, ధర్మాన్ని నిలబెట్టే సినిమా.

ఈరోజు నేను ఈ స్థాయిలో ఉండడానికి కారణం దేవుడి ఆశీస్సులతో పాటు, నా అభిమానుల అఖండమైన ప్రేమ. నేను ఎప్పుడూ నా అభిమానులను నా సైన్యంగా భావిస్తాను. మీరు నా బలం.మీ చప్పట్లు, ఈ కేకలే నాకు శక్తిని ఇస్తాయి. నా నుంచి ఏం కోరుకుంటున్నారో తెలుసుకుని, అదే సినిమా రూపంలో మీకు ఇవ్వడానికి నేను ఎప్పుడూ సిద్ధంగా ఉంటాను. అని బాలకృష్ణ అన్నారు.

Tags:    

Similar News