Actress Kriti Sanon: నా కెరీర్‌లోనే ఇది హాటెస్ట్ క్యారెక్టర్

Actress Kriti Sanon: సూపర్ స్టార్ మహేశ్ బాబు పక్కన '1 నేనొక్కడినే' అంటూ తెలుగు వెండితెరపై మెరుపు తీగలా మెరిసింది కృతి సనన్. తొలి సినిమాతోనే తన నటనతో, అందంతో తెలుగు ప్రేక్షకుల మనసు దోచుకుంది. ఆ తర్వాత దోచేయ్, ఆదిపురుష్ వంటి సినిమాలతో టాలీవుడ్‌లో తనకంటూ ఒక ప్రత్యేక గుర్తింపు తెచ్చుకుంది. గతేడాది 'అమరకావ్యం'తో మరోసారి మన ముందుకు వచ్చిన ఈ అందాల తార, ఇప్పుడు బాలీవుడ్ నుంచి టాలీవుడ్ వరకు ఎంతో బిజీగా మారిపోయింది. కానీ, ఈ గ్లామర్ వెనుక ఆమె ఎదుర్కొన్న విమర్శలు ఎవరికీ తెలియవు."

తాజాగా ఇచ్చిన ఒక ఇంటర్వ్యూలో తన కెరీర్ మొదట్లో ఎదురైన చేదు అనుభవాల గురించి కృతి ఆసక్తికర విషయాలను పంచుకుంది. 'కెరీర్ ప్రారంభంలో నాపై ఎన్నో విమర్శలు వచ్చాయి.. నువ్వు నవ్వినప్పుడు నీ చిగుళ్లు ఎక్కువగా కనిపిస్తాయి, నీ లుక్స్ అంతగా బాగోవు' అంటూ చాలామంది చాలా రకాలుగా మాట్లాడేవారు. కానీ కృతి వెనకడుగు వేయలేదు. ఆమె చెప్పే మాట ఒక్కటే.. 'ఇక్కడ మిమ్మల్ని మీరు నమ్మడమే మీ సూపర్ పవర్'. విమర్శలను పట్టించుకుంటూ కూర్చుంటే మార్పు సాధ్యం కాదని, మనసు మాట వింటూ కష్టపడటమే గెలుపుకు ఏకైక మార్గమని ఆమె చాటి చెప్పింది.

ప్రస్తుతం కృతి సనన్ 'కాక్ టైల్ 2' సినిమా షూటింగ్‌లో బిజీగా ఉంది. ఈ సినిమా గురించి ఆమె చెబుతూ.. 'నా పర్సనాలిటీలో నాకే తెలియని ఒక కొత్త కోణాన్ని డైరెక్టర్ అద జానియా ఈ చిత్రంలో చూపించారు' అని తెలిపింది. బహుశా తన కెరీర్‌లోనే ఇది హాటెస్ట్ క్యారెక్టర్ అని కృతి హింట్ ఇచ్చింది. 2012లో వచ్చిన 'కాక్ టైల్' సినిమాకి, దీనికి స్టోరీ పరంగా సంబంధం లేకపోయినా.. ఆ వైబ్ మాత్రం సేమ్ ఉంటుందట. ఇద్దరు అమ్మాయిలు, ఒక అబ్బాయి మధ్య నడిచే ఈ యూత్‌ఫుల్ డ్రామాలో కృతి నటన మరో లెవల్‌లో ఉండబోతోంది.

ఈ సినిమాలో కృతితో పాటు నేషనల్ క్రష్ రష్మిక మందన్న కూడా నటిస్తుండటం విశేషం. క్రేజీ కాంబినేషన్‌లో వస్తున్న 'కాక్ టైల్ 2' ఈ ఏడాది జూన్ 19న థియేటర్లలో సందడి చేయనుంది. మరి గ్లామరస్ రోల్‌లో కృతి, రష్మిక ఎలాంటి మ్యాజిక్ చేస్తారో చూడాలి!