Bhagavanth Kesari Prequel: టాలీవుడ్ సక్సెస్‌ఫుల్ డైరెక్టర్ అనిల్ రావిపూడి ప్రస్తుతం డబుల్ జోష్‌లో ఉన్నారు. మెగాస్టార్ చిరంజీవితో ఆయన తెరకెక్కించిన మన శంకర వరప్రసాద్ గారు చిత్రం బాక్సాఫీస్ వద్ద రూ. 300 కోట్లకు పైగా వసూళ్లు సాధించి ఇండస్ట్రీ హిట్‌గా నిలవడంతో, ఆయన తన తదుపరి ప్రాజెక్టులపై ఆసక్తికర ప్రకటనలు చేశారు.

మళ్ళీ రాబోతున్న నేలకొండ భగవంత్ కేసరి

నందమూరి బాలకృష్ణతో తాను రూపొందించిన భగవంత్ కేసరి చిత్రం అనిల్ కెరీర్‌లో ఎంతో ప్రత్యేకమైంది. బాలయ్య అభిమానుల నుంచి వస్తున్న విపరీతమైన రిక్వెస్ట్‌ల మేరకు, ఈ సినిమాకు ప్రీక్వెల్ లేదా సీక్వెల్ చేసే అవకాశం ఉందని అనిల్ స్పష్టం చేశారు. ముఖ్యంగా భగవంత్ కేసరి గతాన్ని ఆవిష్కరించే ప్రీక్వెల్ పైనే ఆయన మొగ్గు చూపుతున్నట్లు తెలుస్తోంది.

అసలు ‘కేసరి’ గతం ఏమిటి?

ప్రీక్వెల్ కథ గురించి అనిల్ రావిపూడి ఒక పవర్‌ఫుల్ లైన్ రివీల్ చేశారు. భగవంత్ కేసరి అసలు పోలీస్ ఆఫీసర్‌గా మారకముందు ఆయన జీవితం ఎలా ఉండేది.. ఆయన జైలుకు వెళ్లడానికి దారితీసిన పరిస్థితులు ఏమిటి?.. ‘నేలకొండ’ అనే ఊరితో ఆయనకున్న అనుబంధం ఏంటి?

ఈ అంశాలతో కథను సిద్ధం చేస్తే అది మరో లెవల్‌లో ఉంటుందని అనిల్ పేర్కొన్నారు.

చిరుతో బిగ్గెస్ట్ హిట్.. ఇక బాలయ్యతో రచ్చ!

ఇటీవలే చిరంజీవికి కెరీర్ బిగ్గెస్ట్ హిట్ ఇచ్చిన అనిల్ రావిపూడి, ఇప్పుడు మళ్ళీ బాలయ్యతో మాస్ జాతర మొదలుపెట్టబోతున్నారనే వార్త నెట్టింట వైరల్ అవుతోంది. ఈ ప్రీక్వెల్ గనుక పట్టాలెక్కితే బాక్సాఫీస్ వద్ద రికార్డులు తిరగరాయడం ఖాయమని అభిమానులు ధీమా వ్యక్తం చేస్తున్నారు.

Tags: