Bill Gates to Appear in a Guest Role: స్మృతి ఇరానీ సీరియల్‌లో అతిథి పాత్రలో బిల్‌గేట్స్!

Bill Gates to Appear in a Guest Role: భారతీయ టెలివిజన్ చరిత్రలో అత్యంత ప్రజాదరణ పొందిన ధారావాహికలలో ఒకటైన 'క్యోంకీ సాస్ భీ కభీ బహు థీ 2' లో ఊహించని పరిణామం చోటుచేసుకోనుంది. ఈ సీరియల్‌లో ప్రధాన పాత్ర పోషిస్తున్న నటి, మాజీ కేంద్ర మంత్రి స్మృతి ఇరానీతో కలిసి మైక్రోసాఫ్ట్ సహ-వ్యవస్థాపకుడు, ప్రఖ్యాత దాత బిల్‌గేట్స్ అతిథి పాత్రలో కనిపించనున్నట్లు తెలుస్తోంది.సీరియల్ కథాగమనంలో భాగంగా, స్మృతి ఇరానీ పోషిస్తున్న తులసి విరానీ పాత్రతో బిల్‌గేట్స్ వీడియో కాల్ ద్వారా మాట్లాడే సన్నివేశాలను చిత్రీకరించారు. ఈ ప్రత్యేక సన్నివేశం సుమారు మూడు ఎపిసోడ్‌ల పాటు కొనసాగనుంది. ఈ సంభాషణలో గర్భిణీ స్త్రీలు, నవజాత శిశువుల ఆరోగ్యం, సంరక్షణపై అవగాహన కల్పించడంపై దృష్టి సారించినట్లు సమాచారం. బిల్‌గేట్స్, బిల్‌ అండ్ మెలిండా గేట్స్ ఫౌండేషన్ ద్వారా ప్రపంచవ్యాప్తంగా ఆరోగ్య మరియు సామాజిక అంశాలపై చురుకుగా పనిచేస్తున్నారు. ఈ సామాజిక అవగాహన అంశాలను కథన రూపంలో ప్రేక్షకులకు చేరవేయాలనే స్మృతి ఇరానీ ఆలోచనతో ఈ సహకారం సహజంగా కుదిరిందని షోకు సంబంధించిన వర్గాలు తెలిపాయి.