Public Talk for Ram Charan’s ‘Peddi’: రామ్ చరణ్ పెద్ది పబ్లిక్ టాక్ ఎలా ఉంది..బాక్సాఫీస్ వేట ఖాయమా.?

Public Talk for Ram Charan’s ‘Peddi’: గ్లోబల్ స్టార్ రామ్ చరణ్ ఫ్యాన్స్‌కు పూనకాలు తెప్పించే బ్లాక్‌బస్టర్ వచ్చేసింది! 'రంగస్థలం' తర్వాత చరణ్ మార్క్ పక్కా విలేజ్ డ్రామా కోసం ఎదురుచూస్తున్న ఆడియన్స్‌కు.. డైరెక్టర్ బుచ్చిబాబు సానా 'పెద్ది' రూపంలో ఒక అదిరిపోయే విజువల్ ఫీస్ట్‌ను అందించారు. థియేటర్ల దగ్గర మెగా ఫ్యాన్స్ హంగామా చూస్తుంటే.. బాక్సాఫీస్ దగ్గర 'పెద్ది' వేట మొదలైందని స్పష్టంగా అర్థమవుతోంది.

సినిమా చూసొచ్చిన పబ్లిక్ టాక్ ఎలా ఉందంటే.. వన్ వర్డ్ లో చెప్పాలంటే వన్ మ్యాన్ షో.. రామ్ చరణ్ ఈజ్ ఇన్ బీస్ట్ మోడ్. 'పెద్ది పహిల్వాన్'గా రామ్ చరణ్ నటన, ఆయన బాడీ ట్రాన్స్‌ఫార్మేషన్ థియేటర్లలో నెక్స్ట్‌ లెవెల్ రెస్పాన్స్ తెచ్చుకుంటోంది. ముఖ్యంగా సినిమాలో వచ్చే 20 నిమిషాల రెజ్లింగ్ (కుస్తీ) సీక్వెన్స్, క్రికెట్ ఎపిసోడ్స్ థియేటర్లను షేక్ చేస్తున్నాయని ఆడియన్స్ చెప్తున్నారు. చరణ్ కెరీర్‌లోనే ఇదొక బెస్ట్ పవర్‌ఫుల్ పర్‌ఫార్మెన్స్!

ఇక హీరోయిన్ జాన్వీ కపూర్ 'అచ్చియ్యమ్మ'గా పల్లెటూరి పిల్లను తలపిస్తూ తన అందం, అభినయంతో ఆకట్టుకుంది. కన్నడ స్టార్ శివ రాజ్‌కుమార్ స్క్రీన్ ప్రెజెన్స్, జగపతి బాబు ఎమోషనల్ యాక్టింగ్ సినిమాకు పెద్ద పిల్లర్స్‌గా నిలిచాయి.

కథ విషయానికి వస్తే.. తన ఊరి గౌరవం కోసం, ఐడెంటిటీ కోసం ఒక యువకుడు స్పోర్ట్స్ ద్వారా ఎలా పోరాడాడనే పాయింట్‌ను బుచ్చిబాబు చాలా ఎమోషనల్‌గా, అంతే మాస్‌గా తెరకెక్కించారు. ఆస్కార్ విజేత ఏఆర్ రెహమాన్ అందించిన బ్యాక్‌గ్రౌండ్ స్కోర్ ప్రతి సీన్‌ను వేరే లెవెల్‌కు తీసుకెళ్లింది. ముఖ్యంగా 'మస్సా మస్సా' సాంగ్ విజువల్స్ థియేటర్లలో ఫ్యాన్స్‌తో స్టెప్పులు వేయిస్తున్నాయి. రత్నవేలు సినిమాటోగ్రఫీ సినిమాకు భారీతనాన్ని తెచ్చింది.

రన్‌టైమ్ కొంచెం ఎక్కువున్నా.. ఎమోషన్స్, యాక్షన్ బ్లాక్స్ బాగా కనెక్ట్ అవ్వడంతో ప్రేక్షకులు ఎక్కడా బోర్ ఫీలవ్వడం లేదు. 'గేమ్ ఛేంజర్' తర్వాత రామ్ చరణ్ నుంచి ఫ్యాన్స్ ఎలాంటి సినిమా ఆశించారో.. అంతకు మించి ఈ 'పెద్ది' నిలిచిందని పబ్లిక్ టాక్ చెబుతోంది.చివరగా చెప్పాలంటే.. పక్కా కమర్షియల్ ఎమోషనల్ స్పోర్ట్స్ డ్రామా 'పెద్ది'. బాక్సాఫీస్ దగ్గర ఈ వీకెండ్‌కు మెగా ర్యాంపేజ్ ఖాయం అని అంటున్నారు ఫ్యాన్స్.