Kangana Ranaut’s Secret Marriage: కంగనా రనౌత్ రహస్య పెళ్లి నిజమేనా? మెడలో మంగళసూత్రం వీడియో వెనుక అసలు నిజం ఇదీ..
మెడలో మంగళసూత్రం వీడియో వెనుక అసలు నిజం ఇదీ..
Kangana Ranaut’s Secret Marriage: బాలీవుడ్ ఫైర్ బ్రాండ్, నటి, రాజకీయ నాయకురాలు కంగనా రనౌత్ రహస్యంగా పెళ్లి చేసుకున్నారా? ప్రస్తుతం సోషల్ మీడియాలో ఎక్కడ చూసినా ఇదే హాట్ టాపిక్గా మారింది. ఇందుకు కారణం.. ఆమె మెడలో మంగళసూత్రం, సాంప్రదాయ దుస్తులతో ఉన్న ఒక వీడియో ఇంటర్నెట్లో విపరీతంగా వైరల్ కావడమే. ఈ వీడియో చూసిన నెటిజన్లు, అభిమానులు ఒక్కసారిగా షాక్కు గురయ్యారు. అయితే, ఈ వార్తల్లో ఎలాంటి నిజం లేదని, అదంతా కేవలం ఒక సినిమా షూటింగ్లో భాగమేనని బాలీవుడ్ వర్గాలు స్పష్టం చేశాయి.
వైరల్ వీడియో కథేంటి?
ప్రముఖ బాలీవుడ్ ఫోటోగ్రాఫర్ వైరల్ భయానీ తన ఇన్స్టాగ్రామ్ పేజీలో కంగనా రనౌత్కు సంబంధించిన ఒక తాజా వీడియోను షేర్ చేశారు. అందులో కంగనా మెడలో నల్లపూసల మంగళసూత్రం, సాంప్రదాయ లుక్లో కనిపించారు. ఈ దృశ్యాలు చూసిన నెటిజన్లు.. కంగనా ఎవరికీ చెప్పకుండా సైలెంట్గా పెళ్లి పీటలు ఎక్కేసిందా అంటూ కామెంట్ల రూపంలో ప్రశ్నల వర్షం కురిపించారు. మొదట్లో కంగనా వైపు నుండి గానీ, ఆమె టీమ్ నుండి గానీ ఎలాంటి అధికారిక స్పందన రాకపోవడంతో ఈ పెళ్లి ప్రచారం మరింత ఊపందుకుంది.
షాకింగ్ లుక్ వెనుక ఉన్న అసలు నిజం..
వైరల్ అవుతున్న వార్తల్లో ఎలాంటి వాస్తవం లేదని ఎట్టకేలకు తేలిపోయింది. కంగనా మెడలో ధరించిన మంగళసూత్రం ఆమె వ్యక్తిగత జీవితానికి సంబంధించింది కాదు. 2014లో విడుదలై బాక్సాఫీస్ వద్ద సంచలన విజయం సాధించడమే కాకుండా కంగనా కెరీర్ను మలుపు తిప్పిన క్వీన్ సినిమా గుర్తుండే ఉంటుంది. ఇప్పుడు ఆ చిత్రానికి సీక్వెల్గా వస్తున్న క్వీన్ 2 సినిమా షూటింగ్ సెట్స్లోని లుక్ ఇది. పాత్ర డిమాండ్ మేరకు కంగనా ఈ గెటప్లో కనిపించినట్లు స్పష్టమైంది.
భారీ అంచనాలతో క్వీన్ 2
క్వీన్ 2 చిత్రాన్ని పట్టాలెక్కిస్తున్న విషయాన్ని చిత్ర దర్శకుడు వికాస్ బహల్ సైతం ఇటీవల ఒక ఇంటర్వ్యూలో అధికారికంగా ధృవీకరించారు. "మేము కొంతకాలంగా క్వీన్ సీక్వెల్ స్క్రిప్ట్పై వర్క్ చేస్తున్నాం. చివరికి కథకు ఒక స్పష్టమైన, అద్భుతమైన రూపం వచ్చింది" అని ఆయన పేర్కొన్నారు.
మొదటి భాగంలో పెళ్లి రద్దయిన తర్వాత ధైర్యంగా ఒంటరిగా హనీమూన్ కోసం యూరప్ వెళ్లే రాణి మెహ్రా అనే అమాయక గృహిణి పాత్రలో కంగనా అద్భుత నటనకు జాతీయ అవార్డుతో పాటు దేశవ్యాప్తంగా ప్రశంసలు దక్కాయి. ఇప్పుడు ఆ కథ ఎక్కడి నుంచి ముందుకు సాగబోతోంది, రాణి మెహ్రా జీవితంలో పెళ్లి జరిగిందా లేదా అనే ఆసక్తికరమైన అంశాలతో ఈ సీక్వెల్ రాబోతుండటంతో సినిమాపై ప్రేక్షకుల్లో భారీ అంచనాలు నెలకొన్నాయి.