Manchu Manoj: మంచు లక్ష్మి దక్ష మూవీపై మంచు మనోజ్ ఆసక్తికర వ్యాఖ్యలు

Manchu Manoj: నటుడు మంచు మనోజ్ తన సోదరి మంచు లక్ష్మి, తండ్రి మోహన్ బాబు ప్రధాన పాత్రల్లో నటిస్తున్న కొత్త చిత్రం దక్ష: ది డెడ్లీ కాన్‌స్పిరసీపై ఆసక్తికర వ్యాఖ్యలు చేశారు. ఈ సినిమా ట్రైలర్‌ను చూసిన ఆయన, సోషల్ మీడియా వేదికగా తన స్పందనను పంచుకున్నారు. దక్ష ట్రైలర్ చాలా  ఇంటెన్స్‌గా, పవర్‌ఫుల్‌గా ఉందని మనోజ్ అన్నారు. తన సోదరి లక్ష్మిని ఇలాంటి ఒక ఉత్కంఠభరితమైన థ్రిల్లర్‌లో చూడటానికి ఎంతో ఆసక్తిగా ఎదురుచూస్తున్నట్లు తెలిపారు. తన తండ్రి మోహన్ బాబుకు, చిత్ర యూనిట్ మొత్తానికి బ్లాక్‌బస్టర్ విజయం దక్కాలని మనోజ్ ఆకాంక్షించారు.

విజయాల పరంపర కొనసాగాలని ఆకాంక్ష

ప్రస్తుతం తెలుగు సినిమా విజయాల పరంపర కొనసాగుతోందని.. దక్ష చిత్రంతో ఆ విజయ పరంపర మరింత ముందుకు వెళ్లాలని ఆశిస్తున్నట్లు మనోజ్ తన పోస్టులో తెలిపారు. ఈ చిత్రంలో నటిస్తున్న విలక్షణ నటుడు సముద్రఖని, దర్శకుడు ఎంవీ కృష్ణతో పాటు ఇతర నటీనటులు విశ్వంత్, చిత్ర శుక్ల, సాంకేతిక నిపుణులకు కూడా ఆయన ప్రత్యేకంగా శుభాకాంక్షలు తెలియజేశారు.