Melody Magic from Raakasa: రాకాస నుండి మెలోడీ మ్యాజిక్.. పదే పదే పాటతో అంచనాలు రెట్టింపు..

Melody Magic from Raakasa: కమిటీ కుర్రోళ్లు వంటి ఘనవిజయం తర్వాత మెగా డాటర్ నిహారిక కొణిదెల తన సొంత బ్యానర్ పింక్ ఎలిఫెంట్ పిక్చర్స్ పై నిర్మిస్తున్న తాజా చిత్రం రాకాస. జీ స్టూడియోస్ సమర్పణలో మానస శర్మ దర్శకత్వంలో తెరకెక్కుతున్న ఈ సినిమా ప్రస్తుతం సినీ వర్గాల్లో హాట్ టాపిక్‌గా మారింది. ఈ చిత్రం నుండి తాజాగా విడుదలైన మెలోడీ సాంగ్ ఇప్పుడు శ్రోతలను మంత్రముగ్ధులను చేస్తోంది.

మనసును తాకే మెలోడీ

సినిమా ప్రమోషన్లలో భాగంగా చిత్ర బృందం పదే పదే అనే అందమైన ప్రేమ గీతాన్ని విడుదల చేసింది. కిట్టు విస్సాప్రగడ రాసిన పదే పదే ప్రాణం నిన్నే కోరగా.. అనే లిరిక్స్ ఎంతో లోతుగా, మనసును హత్తుకునేలా ఉన్నాయి. సింధూజ శ్రీనివాసన్ తన గాత్రంతో ఈ పాటకు ప్రాణం పోశారు.అనుదీప్ దేవ్ అందించిన మధురమైన బాణీలు శ్రోతలను ఇన్‌స్టంట్ క్లాసిక్ ఫీలింగ్ కలిగిస్తున్నాయి.

ఈ లిరికల్ వీడియోలో హీరో సంగీత్ శోభన్, హీరోయిన్ నయన్ సారికల మధ్య ఉన్న కెమిస్ట్రీ హైలైట్‌గా నిలిచింది. ఒక పల్లెటూరి నేపథ్యంలో సాగే వన్‌సైడ్ లవ్ స్టోరీని ఈ పాట కళ్లకు కట్టినట్లు చూపిస్తోంది.

ఏప్రిల్ 3న గ్రాండ్ రిలీజ్

ఇప్పటికే విడుదలైన టీజర్, గ్లింప్స్‌కు అద్భుతమైన రెస్పాన్స్ రావడంతో సినిమాపై భారీ అంచనాలు నెలకొన్నాయి. ఈ చిత్రాన్ని ఏప్రిల్ 3న ప్రపంచవ్యాప్తంగా విడుదల చేసేందుకు మేకర్స్ సన్నాహాలు చేస్తున్నారు. ఓవర్సీస్ మరియు కెనడాలో కూడా భారీ ఎత్తున విడుదల చేసేందుకు అథర్వణ భద్రకాళి పిక్చర్స్, ప్రత్యంగిరా సినిమాస్ ఒప్పందాలు చేసుకున్నాయి.