Global Star Ram Charan: నారా లోకేశ్‌, నేను సెల్ఫ్ మేడ్.. గ్లోబల్ స్టార్ రామ్‌చరణ్ ఆసక్తికర వ్యాఖ్యలు..

Global Star Ram Charan: వారసత్వంతో కెరీర్ ప్రారంభించి.. స్వయంకృషితో తమకంటూ ప్రత్యేక గుర్తింపు తెచ్చుకున్న ఇద్దరు యువ కిరణాల ప్రస్థానాన్ని పోలుస్తూ రిపబ్లిక్ టీవీ యాంకర్ అడిగిన ప్రశ్నకు రామ్‌చరణ్ ఇచ్చిన సమాధానం రాజకీయ, సినీ వర్గాల్లో హాట్ టాపిక్‌గా మారింది.

యాంకర్ ప్రశ్న.. రామ్‌చరణ్ స్పందన:

ఇంటర్వ్యూలో యాంకర్ మాట్లాడుతూ.. "ఏపీ ముఖ్యమంత్రి చంద్రబాబు నాయుడు కుమారుడైన నారా లోకేశ్‌.. లభించిన అధికారాన్ని ఎప్పుడూ తేలికగా తీసుకోలేదు. క్షేత్రస్థాయి నుండి కష్టపడి పనిచేసి ఒక సెల్ఫ్-మేడ్ లీడర్ గా ఎదిగారు. మెగాస్టార్ వారసుడిగా వచ్చి మీ ప్రతిభతో మీరు ఎదిగిన తీరుకు, ఆయన ప్రస్థానానికి చాలా పోలికలు ఉన్నాయి కదా?" అని ప్రశ్నించారు.

దీనికి రామ్‌చరణ్ స్పందిస్తూ.. "కచ్చితంగా.. ఆ మాటతో నేను పూర్తిగా ఏకీభవిస్తాను" అని సమాధానమిచ్చారు. నారా లోకేశ్‌ కష్టపడి పైకి వచ్చిన స్వయంకృషి గల నాయకుడనే విషయాన్ని చరణ్ మనస్ఫూర్తిగా అంగీకరించారు.

వారసత్వం ఒక ద్వారం మాత్రమే.. నిరూపించిన ఇద్దరు..

సినిమా, రాజకీయ రంగాల్లో అగ్రనేతల వారసులుగా అడుగుపెట్టినప్పుడు రామ్‌చరణ్, నారా లోకేశ్‌లపై భారీ అంచనాలతో పాటు ఒత్తిడి కూడా అంతే స్థాయిలో ఉంది. ప్రారంభంలో ఇద్దరూ కొన్ని విమర్శలను ఎదుర్కొన్నప్పటికీ.. పట్టుదలతో వాటిని అధిగమించిన తీరు సమానంగా ఉంటుంది.

గ్లోబల్ స్టార్‌గా రామ్‌చరణ్:

చిరంజీవి కొడుకు అనే ముద్ర నుండి బయటకు వచ్చి మగధీర, రంగస్థలం, ఆర్ఆర్ఆర్, ప్రస్తుత బ్లాక్‌బస్టర్ 'పెద్ది' వంటి చిత్రాలతో తనకంటూ ప్రత్యేకమైన స్టార్‌డమ్‌ను సొంతం చేసుకున్నారు.

ప్రజా నాయకుడిగా నారా లోకేశ్‌

తండ్రి నీడలోనే ఉండిపోకుండా మంగళగిరి నియోజకవర్గంలో క్షేత్రస్థాయిలో కష్టపడటం, యువగళం పాదయాత్ర ద్వారా రాష్ట్రవ్యాప్తంగా ప్రజలకు చేరువవడం ద్వారా లీడర్‌గా తనను తాను నిరూపించుకుని ఏపీ మంత్రివర్గంలో కీలక బాధ్యతలు చేపట్టారు.

-యువతరానికి స్ఫూర్తిదాయకం..

ఆధునిక ఆలోచనలు కలిగి ఉండటం, టెక్నాలజీని అందిపుచ్చుకోవడం, ఎంత ఎదిగినా ఒదిగి ఉండే లక్షణాలు రామ్‌చరణ్, నారా లోకేశ్‌లలో స్పష్టంగా కనిపిస్తాయి. తండ్రులకు తగ్గ తనయులుగా తమ స్వయంప్రతిభతో దూసుకుపోతున్న వీరిద్దరి ప్రస్థానం నేటి యువతరానికి ఒక గొప్ప స్ఫూర్తి అని ఈ ఇంటర్వ్యూ ద్వారా వ్యక్తమవుతోంది.