Nithiin and Sreenu Vaitla: నితిన్, శ్రీను వైట్ల కాంబినేషన్‌లో సినిమా ?

Nithiin and Sreenu Vaitla: నితిన్, శ్రీను వైట్ల కాంబినేషన్‌లో ఒక సినిమా రాబోతోందని వార్తలు వస్తున్నాయి. అయితే, దీనిపై ఇప్పటి వరకు అధికారిక ప్రకటన వెలువడలేదు.ఈ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ నిర్మించవచ్చని టాక్.శ్రీను వైట్ల ఒక పవర్ ఫుల్ కథతో నితిన్‌ను సంప్రదించారని, నితిన్ ఈ కథకు గ్రీన్ సిగ్నల్ ఇచ్చారని తెలుస్తోంది.గత కొంతకాలంగా నితిన్, శ్రీను వైట్ల ఇద్దరూ సరైన విజయం కోసం ఎదురు చూస్తున్నారు. నితిన్ కు 'భీష్మ' తర్వాత పెద్ద హిట్ లేదు, అలాగే శ్రీను వైట్ల కూడా 'విశ్వం' సినిమా తర్వాత మరో హిట్ కోసం చూస్తున్నారు. కాబట్టి, ఈ కాంబినేషన్ వీరిద్దరికీ ఒక మంచి కంబ్యాక్ అయ్యే అవకాశం ఉందని భావిస్తున్నారుఈ వార్తల ప్రకారం, త్వరలోనే ఈ ప్రాజెక్ట్ గురించి అధికారిక ప్రకటన వచ్చే అవకాశం ఉంది. కాగా ప్రస్తుతం హీరో నితిన్ 'ఎల్లమ్మ' అనే సినిమా చేయబోతున్నారు . ఈ సినిమాకు 'బలగం' ఫేమ్ వేణు యెల్దండి దర్శకత్వం వహించనున్నారు.ఈ సినిమాను ప్రముఖ నిర్మాత దిల్ రాజు తన శ్రీ వెంకటేశ్వర క్రియేషన్స్ బ్యానర్‌పై నిర్మిస్తున్నారు.'బలగం' తరహాలోనే ఈ సినిమా కూడా తెలంగాణ గ్రామీణ నేపథ్యం, భావోద్వేగాల చుట్టూ తిరుగుతుందని, ఎమోషనల్ ఎలిమెంట్స్ ఎక్కువగా ఉంటాయని చెబుతున్నారు.