Trisha’s Cryptic Post: నా విషయాల్లో తలదూర్చకండి.. త్రిష పోస్ట్ !

Trisha’s Cryptic Post: తన వ్యక్తిగత జీవితం, పెళ్లి గురించి వస్తున్న వరుస పుకార్లపై స్టార్ హీరోయిన్ త్రిష తనదైన శైలిలో స్పందించారు. సోషల్ మీడియా వేదికగా ఆమె పెట్టిన ఒక పోస్ట్ ఇప్పుడు హాట్ టాపిక్‌గా మారింది. తన పెంపుడు కుక్క ముక్కును చూపిస్తూ ఉన్న ఒక వీడియోను షేర్ చేసిన త్రిష, "నా విషయాల్లో తలదూర్చడానికి (ముక్కు పెట్టడానికి) నేను అనుమతించే ఒకే ఒక్క ముక్కు ఇదే" అంటూ దానికి ఒక ఆసక్తికరమైన క్యాప్షన్ ఇచ్చారు. తన వ్యక్తిగత విషయాల్లో ఇతరుల జోక్యాన్ని తాను అస్సలు సహించనని, తన ప్రైవేట్ జీవితంలోకి తొంగిచూడాల్సిన అవసరం ఎవరికీ లేదని ఈ పోస్ట్ ద్వారా ఆమె చాలా స్పష్టమైన సందేశాన్ని ఇచ్చారు.

తమిళనాడు ముఖ్యమంత్రి జోసెఫ్ విజయ్ తన భార్య సంగీత నుండి చట్టబద్ధంగా విడాకులు తీసుకున్న తర్వాత, ఆయన త్రిషను పెళ్లి చేసుకోబోతున్నారంటూ గత కొన్ని రోజులుగా పెద్ద ఎత్తున ప్రచారం జరుగుతోంది. ఈ ఊహాగానాల నడుమే త్రిష తన ఇన్‌స్టాగ్రామ్ స్టోరీలో ఈ పోస్ట్‌ను పెట్టడం గమనార్హం.

నిజానికి విజయ్, త్రిషల బంధం గురించి గత కొన్ని నెలలుగా రకరకాల వార్తలు చక్కర్లు కొడుతున్నాయి. ఇటీవల ప్రముఖ నటుడు అజిత్ కుమార్ తల్లిగారు మరణించినప్పుడు, విజయ్ మరియు త్రిష ఇద్దరూ కలిసి ఆయన నివాసానికి వెళ్లి పరామర్శించారు. ఇలా వీరిద్దరూ కలిసి పబ్లిక్‌గా కనిపించడంతో, వారి మధ్య ఏదో ఉందనే వార్తలకు మరియు పెళ్లి ఊహాగానాలకు మరింత బలం చేకూరినట్లయింది.

విశ్వసనీయ సమాచారం ప్రకారం, విజయ్ భార్య డిసెంబర్ 2025లో చెన్నైలోని ఒక ఫ్యామిలీ కోర్టులో విడాకుల పిటిషన్ దాఖలు చేశారు. ఈ కేసుకు సంబంధించిన తదుపరి విచారణ జూన్ 15న జరగనున్నట్లు తెలుస్తోంది. అయితే, తమపై వస్తున్న ఈ పుకార్ల గురించి అటు విజయ్ గానీ, ఇటు త్రిష గానీ ఇప్పటివరకు బహిరంగంగా ఎక్కడా స్పందించలేదు.