Ram Charan & Upasana Konidela: కవల పిల్లలతో తల్లిగా అదృష్టం: ఉపాసన కామినేని కొనిదెల

గ్లోబల్ స్టార్ రామ్ చరణ్ మరియు ఆయన భార్య ఉపాసన కామినేని కొనిదెల కవల పిల్లలతో ఆశీర్వదించబడ్డారు. ఈ విషయాన్ని రామ్ చరణ్ తండ్రి, మెగాస్టార్ చిరంజీవి సోషల్ మీడియా ద్వారా అధికారికంగా ప్రకటించారు. వారికి ఒక కుమారుడు, ఒక కుమార్తె జన్మించినట్లు ఆయన వెల్లడించారు. ప్రస్తుతం తల్లి, శిశువులు ఆరోగ్యంగా ఉన్నారని కూడా తెలిపారు.

ఈ శుభవార్తతో మెగా కుటుంబంలో ఆనందోత్సాహాలు నెలకొన్నాయి. అభిమానులు, సినీ ప్రముఖులు పెద్ద సంఖ్యలో శుభాకాంక్షలు తెలియజేస్తున్నారు.

ఈ సందర్భంగా రామ్ చరణ్ స్పందిస్తూ,

“ముగ్గురు పిల్లల తండ్రిగా కావడం నాకు అపారమైన కృతజ్ఞత భావాన్ని కలిగిస్తోంది. ప్రతి క్షణం మా వెంట నిలిచిన అభిమానులు, కుటుంబ సభ్యులు, శ్రేయోభిలాషులకు హృదయపూర్వక ధన్యవాదాలు,” అని అన్నారు.

అదేవిధంగా ఉపాసన కామినేని కొనిదెల తన ఆనందాన్ని పంచుకున్నారు.

“నా తండ్రి ఎప్పుడూ ఒక విషయం చెప్పేవారు. స్పష్టమైన సంకల్పం, విశ్వాసం రెండూ కలిసే ఉండాలి. ఈ రోజు నేను మూడోసారి తల్లిగా మారినందుకు ఎంతో అదృష్టవంతురాలినని భావిస్తున్నాను. మేము ఊహించినట్లే ఈ క్షణం నిజమైంది. బలంగా ఉండే, అదే సమయంలో దయగల పిల్లలను పెంచాలన్నదే మా ఆశ. ప్రత్యేక హోదాతో పాటు బాధ్యత కూడా ఉంటుందని వారు తెలుసుకోవాలి. నిజమైన వారసత్వం సమాజానికి తిరిగి ఇవ్వడంలోనే ఉందని మేము నమ్ముతున్నాం,” అని తెలిపారు.

గమనించదగిన విషయం ఏమిటంటే, రామ్ చరణ్ – ఉపాసన దంపతుల తొలి సంతానం క్లిన్ కారా కొనిదెల 2023లో జన్మించారు. తొలి గర్భధారణ సహజంగా జరిగినదే కాగా, ఉపాసన తన ఇరవైయేళ్ల చివరలో, ముప్పైయేళ్ల ప్రారంభంలో గుడ్లను ఫ్రీజ్ చేయించుకున్నట్లు గతంలో వెల్లడించారు.

ఇప్పుడు కవల పిల్లల జన్మతో, రామ్ చరణ్ మరియు ఉపాసన రెండోసారి తల్లిదండ్రులుగా మారారు. ఈ సంతోషకరమైన ఘట్టం మెగా కుటుంబానికి మరింత ఆనందాన్ని తీసుకొచ్చింది.