Ram Charan’s PEDDI Latest Update: రామ్‌చరణ్‌ పెద్ది లేటెస్ట్ అప్‌డేట్.. ఫ్యాన్స్ ఫుల్ ఖుషీ

Ram Charan’s PEDDI Latest Update: మెగా పవర్‌స్టార్ రామ్‌చరణ్ - బుచ్చి బాబు సానా కాంబినేషన్‌లో తెరకెక్కుతున్న భారీ స్పోర్ట్స్ యాక్షన్ డ్రామా పెద్ది చిత్రీకరణ శరవేగంగా సాగుతోంది. తాజాగా ఈ సినిమాకు సంబంధించి ఓ ఆసక్తికరమైన అప్‌డేట్ వెలువడింది. పెద్ది చిత్రంలోని ఓ స్పెషల్ సాంగ్ షూటింగ్ శుక్రవారం నుంచి పూణెలో మొదలుకానుంది. ఈ పాటలో రామ్‌చరణ్‌తో కలిసి స్టార్ హీరోయిన్ జాన్వీ కపూర్ స్టెప్పులేయనున్నారు. ఆస్కార్ విజేత ఏ.ఆర్. రెహమాన్ సంగీతం అందిస్తున్న ఈ పాటను మెలోడీ, ఎనర్జీ కలగలిసిన ట్యూన్‌తో డిజైన్ చేసినట్లు తెలుస్తోంది. జానీ మాస్టర్ కొరియోగ్రఫీ అందిస్తుండగా, చరణ్ గ్రేస్, జాన్వీతో ఆయన కెమిస్ట్రీ ఈ పాటకు ప్రధాన ఆకర్షణగా నిలుస్తాయని చిత్రబృందం భావిస్తోంది. గ్రామీణ నేపథ్యం ఉన్న ఈ సినిమాలో ఈ పాట కీలకంగా ఉండనుందని సమాచారం.

60 శాతం షూటింగ్ పూర్తి, చరణ్ కొత్త లుక్

ప్రస్తుతం ఈ సినిమా షూటింగ్ దాదాపు 60 శాతం పూర్తయినట్లు తెలుస్తోంది. అంతేకాక మొదటి భాగం ఎడిటింగ్ పనులు కూడా నవీన్ నూలి దాదాపు పూర్తి చేశారని ఫిల్మ్‌నగర్ టాక్. ఈ చిత్రంలో రామ్‌చరణ్ మునుపెన్నడూ చూడని సరికొత్త మాస్ లుక్‌లో కనిపించనున్నారు. పెరిగిన గడ్డం, మీసాలతో పాటు ముక్కు రింగ్‌తో ఆయన గెటప్ చాలా ప్రత్యేకంగా ఉండనుంది.

ఈ సినిమా గురించి సినిమాటోగ్రాఫర్ రత్నవేలు మాట్లాడుతూ, "బుచ్చి బాబు రాసిన కథ అద్భుతంగా ఉంది. రంగస్థలం నుంచి కొంత స్ఫూర్తి ఉన్నా.. పెద్ది కథ పూర్తిగా కొత్తది. ఈ పాత్ర కోసం చరణ్ తన బాడీ లాంగ్వేజ్‌తో పాటు డైలాగ్ డెలివరీలో కూడా కొత్త యాసను ప్రయత్నిస్తున్నారు" అని అన్నారు. వృద్ధి సినిమాస్ నిర్మిస్తున్న ఈ పాన్ ఇండియా చిత్రంలో శివరాజ్‌కుమార్, జగపతి బాబు, దివ్యేందు శర్మ వంటి ప్రముఖ నటులు కీలక పాత్రలు పోషిస్తున్నారు. ఈ భారీ చిత్రాన్ని 2026 మార్చి 27న ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు.