Satvika Veeravalli: టాలీవుడ్‌లో ప్రస్తుతం ఎక్కడ చూసినా ఒకే పేరు మారుమోగుతోంది. ఆ పేరు మరెవరిదీ కాదు, యంగ్ అండ్ టాలెంటెడ్ బ్యూటీ సాత్విక వీరవల్లి. అమెరికాలో పుట్టి పెరిగిన టెక్నాలజీ గ్రాడ్యుయేట్ ఆమె, కార్పొరేట్ ఉద్యోగాన్ని వదిలేసి నటన వైపు అడుగులు వేసింది. కర్ణాటక సంగీతం, భరతనాట్యంలో శిక్షణ పొందిన ఈ యువతి ఈరోజు (నవంబర్ 20, 2026) విడుదలైన తన తొలి చిత్రం ‘ఆకాశంలో ఒక తార’తోనే ప్రేక్షకుల నుంచి అద్భుతమైన పాజిటివ్ టాక్‌ను సొంతం చేసుకుంది.

దుల్కర్ సల్మాన్ హీరోగా, పవన్ సాధినేని దర్శకత్వంలో రూపుదిద్దుకున్న ఈ ఎమోషనల్ డ్రామాలో సాత్విక కల్పనా పాత్రను పోషించింది. ఒక చిన్న పట్టణం నుంచి వచ్చిన యువతి అంతరిక్షంలోకి వెళ్లాలనే కలతో పోరాడే కథ ఇది. ఆమె నటన, స్క్రీన్ ప్రెజెన్స్ చూసి సినీ ప్రముఖులు సైతం ప్రశంసల వర్షం కురిపిస్తున్నారు. శ్రుతి హాసన్, రుహాని శర్మ కీలక పాత్రల్లో నటించిన ఈ సినిమా పాన్ ఇండియా స్థాయిలో విడుదలైంది.

అయితే ఆశ్చర్యకరమైన విషయం ఏమిటంటే, ఈ సినిమా థియేటర్లలోకి రాకముందే సాత్విక ఇండస్ట్రీలో ఫుల్ బిజీ స్టార్‌గా మారిపోయింది. ప్రమోషన్స్, రషెస్ చూసిన స్టార్ డైరెక్టర్లు, నిర్మాతలు ఆమెకు వరుసగా బంపర్ ఆఫర్లు ఇచ్చారు.

మొదటి సినిమా విడుదలయ్యే సమయానికే ఏకంగా మూడు భారీ ప్రాజెక్టులను తన ఖాతాలో వేసుకుని టాలీవుడ్, కోలీవుడ్ వర్గాలను ఆశ్చర్యపరిచింది.మొదటిది అక్కినేని నాగచైతన్య హీరోగా తెరకెక్కుతున్న ప్రతిష్టాత్మక చిత్రం NC25. బెదురులంక సినిమాతో మంచి గుర్తింపు తెచ్చుకున్న క్లాక్స్ దర్శకత్వం వహిస్తున్న ఈ మ్యూజికల్ లవ్ స్టోరీలో సాత్విక హీరోయిన్‌గా ఎంపికైంది. నిర్మాత అల్లు అరవింద్ స్వయంగా ఇంటర్వ్యూలో ఈ విషయాన్ని ధృవీకరించారు. “నేను ఆమెను నా తర్వాతి ప్రాజెక్ట్‌కు బుక్ చేశాను. నాగచైతన్య సరసన ఫీమేల్ లీడ్‌గా నటిస్తుంది” అని చెప్పారు. ఈ సినిమా త్వరలోనే లాంచ్ కానుంది.

దీనికి తోడు కోలీవుడ్ స్టార్ హీరో విక్రమ్ తనయుడు ధృవ్ విక్రమ్ నటిస్తున్న ‘జాకీ’ సినిమాలో కూడా ఆమె హీరోయిన్‌గా సెలెక్ట్ అయినట్లు సమాచారం. మైత్రీ మూవీ మేకర్స్ ఈ చిత్రాన్ని నిర్మిస్తున్నారు. తమిళ ఇండస్ట్రీలోకి ఎంట్రీ ఇవ్వడం ఆమెకు మరో భారీ అవకాశం.

ఇవన్నీ ఒక ఎత్తయితే, మెగా పవర్ స్టార్ రామ్ చరణ్ - క్రియేటివ్ డైరెక్టర్ సుకుమార్ కాంబోలో రాబోతున్న పాన్-ఇండియా సెన్సేషన్ RC17లో కూడా సాత్విక ఒక ముఖ్యమైన పాత్రకు ఎంపికైనట్లు టాలీవుడ్ సర్కిల్స్‌లో గట్టి ప్రచారం జరుగుతోంది. అధికారిక ప్రకటన ఇంకా రాలేదు కానీ, ఇండస్ట్రీ టాక్ చాలా బలంగా ఉంది. కెరీర్ ప్రారంభంలోనే ఇంతటి భారీ అవకాశాలు అందుకోవడం సాత్విక అదృష్టంతో పాటు ఆమె టాలెంట్‌కు నిదర్శనమని సినీ విశ్లేషకులు భావిస్తున్నారు.

ఆకాశంలో ఒక తార విజయోత్సాహంలో ఉన్న ఈ తెలుగమ్మాయి, రాబోయే రోజుల్లో టాలీవుడ్‌లో టాప్ హీరోయిన్‌గా ఎదిగి ఒక వెలుగు వెలగడం ఖాయమని నెటిజన్స్ చెప్పుకొస్తున్నారు. ఆమె ఇంటర్వ్యూలలో తన పాత్ర గురించి, దుల్కర్ ఇచ్చిన మద్దతు గురించి ప్రశంసలు కురిపించింది. మరి ఈ సినిమాలతో సాత్విక ఎలాంటి విజయాలను అందుకుంటుందో చూడాలి. టాలీవుడ్ కొత్త తారలో ఒక వెలుగు వెలిగేలా ఉందనడంలో ఎలాంటి సందేహం లేదు.

Tags: