Singer Sunitha: మంచి మ్యూజికల్ లవ్ స్టోరీ‘ నిలవే’

Singer Sunitha: నిలవే' (Nilave) సినిమా ప్రీ-రిలీజ్ ఈవెంట్ గ్రాండ్‌గా జరిగింది. ఈ వేడుకకు ముఖ్య అతిథిగా విచ్చేసిన ప్రముఖ సింగర్ సునీత, సినిమా టీమ్‌ను అభినందిస్తూ ఆసక్తికరమైన వ్యాఖ్యలు చేశారు. ఈ సినిమాలో సంగీతానికి ,సాహిత్యానికి చాలా ప్రాముఖ్యత ఉందని సునీత అన్నారు. ముఖ్యంగా ఈ చిత్రంలోని మెలోడీ సాంగ్స్ తనను ఎంతగానో ఆకట్టుకున్నాయని చెప్పారు.కొత్త వారైనా సరే, ఒక మంచి కథను నమ్మి, దానికి తగినట్లుగా మంచి టెక్నీషియన్లను ఎంచుకుని ఈ సినిమాను రూపొందించిన విధానాన్ని ఆమె మెచ్చుకున్నారు.

'నిలవే' అనే టైటిల్ చాలా ఆహ్లాదకరంగా ఉందని, ఇది ఒక స్వచ్ఛమైన ప్రేమకథ అని టైటిల్ వింటేనే అర్థమవుతోందని ఆమె అభిప్రాయపడ్డారు. సినిమా కోసం పనిచేసిన నటీనటులు, సాంకేతిక నిపుణులందరికీ ఈ చిత్రం పెద్ద బ్రేక్ ఇవ్వాలని మనస్ఫూర్తిగా కోరుకుంటున్నట్లు సునీత తెలిపారు.

ఈ చిత్రంలో కొత్త వారు నటిస్తున్నప్పటికీ, వారి నటన ప్రామిసింగ్‌గా ఉందని ఇండస్ట్రీ వర్గాల టాక్. ఇదొక సుందరమైన మెలోడ్రామా,రొమాంటిక్ ఎంటర్టైనర్. ఈ చిత్రానికి సంగీతం ప్రధాన బలమని ఈవెంట్‌లో పాల్గొన్న మిగిలిన అతిథులు కూడా చెప్పారు.

సింగర్ సునీత వంటి ప్రముఖులు ఒక చిన్న సినిమా వేడుకకు వచ్చి సపోర్ట్ చేయడం ఆ చిత్ర యూనిట్‌లో కొత్త ఉత్సాహాన్ని నింపింది.