‘Paapam Prathap’: 'పాపం ప్రతాప్' కోసం రంగంలోకి దిగిన తిరువీర్.. ఈసారి ప్రమోషన్స్ మాములుగా లేవుగా!

‘Paapam Prathap’: వైవిధ్యమైన నటనతో తనకంటూ ఒక ప్రత్యేక గుర్తింపు తెచ్చుకున్న నటుడు తిరువీర్. తాజాగా ఆయన నటిస్తున్న సినిమా “పాపం ప్రతాప్”. సాధారణంగా తిరువీర్ సినిమాలు చాలా సహజంగా, నేచురల్ గెటప్స్‌తో ఉంటాయి. ఇటీవల ఆయన నటించిన “ద గ్రేట్ ప్రీ వెడ్డింగ్ షో” కూడా మంచి ప్రశంసలు అందుకుంది. అయితే, తిరువీర్ తన సినిమాలను సరిగ్గా ప్రమోట్ చేయడనే విమర్శ గతంలో ఉండేది. కానీ ఈసారి మాత్రం ఆయన రూటు మార్చారు.

వచ్చే శుక్రవారం 'పాపం ప్రతాప్' థియేటర్లలోకి రాబోతున్న నేపథ్యంలో, గత రెండు వారాలుగా తిరువీర్ అండ్ టీమ్ ప్రమోషన్స్‌లో దూసుకుపోతున్నారు. వరుస ఇంటర్వ్యూలు, వెరైటీ వీడియోలు, సందడి చేసే ఈవెంట్లతో సినిమాపై అందరి దృష్టి పడేలా చేస్తున్నారు. గత సినిమాల విషయంలో ప్రమోషన్స్ తగ్గడం వల్ల ఎక్కువ మంది ప్రేక్షకులకు రీచ్ కాలేకపోయామని, అందుకే ఈసారి ఆ పొరపాటు జరగకుండా జాగ్రత్త పడుతున్నామని తిరువీర్ స్వయంగా వెల్లడించారు.

"కథ మీద నాకు పూర్తి నమ్మకం ఉంది. చాలా మంచి పాయింట్‌తో, ఎక్కడా బోర్ కొట్టకుండా ఈ సినిమా ఉంటుంది. ఇక నిర్ణయం తీసుకోవాల్సింది ప్రేక్షకులే." అని తిరువీర్ ధీమా వ్యక్తం చేశారు.

ఈ సినిమాలో పాయల్ రాధాకృష్ణ కథానాయికగా నటిస్తుండగా, ఎస్. పి. దుర్గా నరేష్ రచన మరియు దర్శకత్వం వహించారు. ఈ చిత్రాన్ని ఈటీవీ విన్ (ETV Win) మరియు కృషి ఎంటర్టైన్మెంట్స్ సంస్థలు సంయుక్తంగా నిర్మిస్తున్నాయి. గడ్డం రాకేష్ రెడ్డి, రుద్రదేవ్ మధి రెడ్డి ఈ సినిమాకు నిర్మాతలుగా వ్యవహరిస్తున్నారు. మరి ఈ భారీ ప్రమోషన్స్ ప్రతాప్‌కు ఎలాంటి విజయాన్ని అందిస్తాయో చూడాలి!