Disposing of Worship Flowers Carelessly: పూజించిన పువ్వులను ఎక్కడ పడితే అక్కడ పడేస్తున్నారా? ఈ తప్పులు అస్సలు చేయకండి..

Disposing of Worship Flowers Carelessly: హిందూ సంప్రదాయంలో నిత్య పూజల్లో, వ్రతాలలో దేవునికి తాజా పువ్వులను సమర్పించడం అత్యంత పవిత్రమైన కార్యం. అయితే పూజ పూర్తయిన తర్వాత లేదా మరుసటి రోజు ఆ పువ్వులను ఎలా విసర్జించాలో చాలామందికి సరైన అవగాహన ఉండదు. నిర్మాల్యాన్ని డస్ట్‌బిన్లలో వేయడం లేదా ఇష్టం వచ్చినట్లు కాలితో తొొక్కే ప్రదేశాల్లో పడేయడం వల్ల తీవ్రమైన దోషాలు చుట్టుముడతాయని జ్యోతిష్య, ఆధ్యాత్మిక పండితులు చెబుతున్నారు. పూజించిన పువ్వులను పవిత్రంగా విసర్జించడానికి శాస్త్రం సూచించిన మార్గాలు మరియు చేయకూడని తప్పులు ఇక్కడ చూద్దాం:

చెట్ల మొదళ్లలో సమర్పించడం

పూజలో ఉపయోగించిన పువ్వులను నిర్ నిర్లక్ష్యంగా పారవేయకుండా... మీ ఇంట్లోని తులసి కోట, ఉసిరి, రావి లేదా ఇతర పవిత్రమైన చెట్ల మొదళ్లలో ఉంచవచ్చు. దీనివల్ల ఆ పువ్వులు కాలక్రమేణా మట్టిలో కలిసిపోయి సహజమైన ఎరువుగా మారుతాయి.

పవిత్ర జలాల్లో విసర్జన

సాధ్యమైనంత వరకు వాడిపోయిన పూజా పుష్పాలను ప్రవహించే పవిత్ర నది లేదా కాలువ నీటిలో విసర్జించడం శ్రేష్ఠమైన పద్ధతి. నీటిలో కలిపేటప్పుడు దేవుణ్ణి స్మరిస్తూ నమస్కరించుకోవాలి.

ఇంట్లోనే సహజ ఎరువు తయారు చేయడం

మీకు తోటపని లేదా మొక్కలు పెంచే అలవాటు ఉంటే, పూజించిన పువ్వులన్నింటినీ ఒక కుండీలో సేకరించి దానికి కొద్దిగా మట్టి కలిపి ఉంచితే కొన్ని రోజుల్లో అది అద్భుతమైన సేంద్రీయ ఎరువుగా మారుతుంది. దీనిని మీ ఇంటి మొక్కలకు ఉపయోగించవచ్చు. ఇది అత్యంత పవిత్రమైన, ఉపయోగకరమైన పద్ధతి.

ఆర్గానిక్ ధూపం తయారీ

ఎండిపోయిన పూజా పుష్పాలను పారేయకుండా వాటిని బాగా ఎండబెట్టి పొడి చేసి... దానికి కొద్దిగా సాంబ్రాణి, ఆవు నెయ్యి జతచేసి ఇంట్లో ధూపం వేయడానికి ఉపయోగించవచ్చు. దీనివల్ల ఇల్లంతా పవిత్రమైన సువాసన వ్యాపించడమే కాకుండా నకారాత్మక శక్తులు తొలగిపోతాయి.

పూజా పుష్పాల విసర్జనలో అస్సలు చేయకూడని తప్పులు..

చెత్తబుట్టల్లో వేయకూడదు:

దేవునికి సమర్పించిన పువ్వులలో సానుకూల శక్తి ఉంటుంది. వాటిని ఎట్టి పరిస్థితుల్లోనూ ఇంట్లోని చెత్తబుట్టలో వేయకూడదు.

కాళ్లకు తగిలేలా పడేయకూడదు:

పూజా పుష్పాలను రోడ్లపై లేదా ప్రజలు నడిచే ప్రదేశాల్లో పడేయడం వల్ల కాళ్లకు తొక్కిసలాట జరుగుతుంది. ఇది తీవ్రమైన అపచారం.

కలుషిత నీటిలో వేయకూడదు:

మురుగునీటి కాలువల్లో లేదా మైలపడిన ప్రదేశాల్లో ఈ పువ్వులను కలపకూడదు.