Clapping Your Hands: చప్పట్లు కొడుతున్నారా? అయితే ఈ విషయాలు తెలుసుకోండి.. అది కేవలం ధ్వని మాత్రమే కాదు ఒక శక్తి..

Clapping Your Hands: మనం సంతోషం కలిగినా, ఎవరినైనా అభినందించాలన్నా వెంటనే చేసే పని చప్పట్లు కొట్టడం. అయితే ఈ చప్పట్లు కొట్టడం వెనుక అపారమైన ఆధ్యాత్మిక శక్తి మరియు శాస్త్రీయ ప్రయోజనాలు ఉన్నాయని మీకు తెలుసా? ప్రఖ్యాత జ్యోతిష్య నిపుణులు.. చప్పట్లు కొట్టడం వల్ల కలిగే లాభాలను వివరించారు.

ఆధ్యాత్మిక ప్రాముఖ్యత: భక్తికి మార్గం

హిందూ సంప్రదాయంలో భజనలు, కీర్తనలు చేసేటప్పుడు చప్పట్లు కొట్టడం ఒక ముఖ్యమైన భాగం.

ఏకాగ్రత:

చప్పట్లు కొడుతూ భగవంతుడిని స్మరించడం వల్ల మనస్సు ఇతర ఆలోచనల వైపు వెళ్లకుండా ఏకాగ్రత పెరుగుతుంది.

సానుకూల శక్తి:

"శ్రీ రామ్ జైరాం" వంటి మంత్రాలను పఠిస్తూ చప్పట్లు కొట్టడం వల్ల శరీరంలో సానుకూల శక్తి ప్రవహిస్తుంది. ఇది భక్తిని మేల్కొల్పి, మానసిక ప్రశాంతతను ఇస్తుంది.

శాస్త్రీయ ప్రయోజనం: అరచేతుల్లోనే ఆరోగ్యం..

హస్తసాముద్రికం, ఆక్యుప్రెషర్ ప్రకారం.. మన అరచేతుల్లో శరీరంలోని వివిధ అవయవాలకు సంబంధించిన పాయింట్లు ఉంటాయి.

రోగనిరోధక శక్తి:

చప్పట్లు కొట్టినప్పుడు ఆ పాయింట్లపై ఒత్తిడి కలిగి రక్త ప్రసరణ మెరుగుపడుతుంది. ఇది శరీర రోగనిరోధక శక్తిని పెంచుతుంది.

ఒత్తిడి తగ్గింపు:

క్రమం తప్పకుండా చప్పట్లు కొట్టడం వల్ల ఒత్తిడి తగ్గి, కొన్ని సందర్భాల్లో మందుల అవసరం లేకుండానే మానసిక ఉల్లాసం లభిస్తుందని నమ్ముతారు.

ఎప్పుడు కొట్టాలి? ఎప్పుడు కొట్టకూడదు?

చప్పట్లు కొట్టే విధానం సందర్భం చాలా ముఖ్యమని హెచ్చరించారు:

విజయోత్సవాలు, ప్రశంసలు, పిల్లలను ప్రోత్సహించేటప్పుడు దైవ ప్రార్థనలో చప్పట్లు కొట్టడం వల్ల దీర్ఘాయువు, సానుకూలత లభిస్తాయి.

అశుభం:

ఎవరినైనా ఎగతాళి చేయడానికి, అవమానించడానికి లేదా వ్యంగ్యంగా చప్పట్లు కొట్టడం వల్ల ప్రతికూల శక్తి ఏర్పడుతుంది. అలాగే శోక సమయాల్లో లేదా మరణం సంభవించినప్పుడు చప్పట్లు కొట్టడం అశుభంగా పరిగణించబడుతుంది.