Pradakshinas to the Navagrahas: నవగ్రహాలకు ప్రదర్శలు ఎలా చేయాలి.?

Pradakshinas to the Navagrahas: నవగ్రహ ప్రదక్షిణ చేయడం వెనుక ఒక నిర్దిష్టమైన పద్ధతి, శాస్త్రం ఉన్నాయి. సాధారణంగా గుడికి వెళ్ళినప్పుడు అందరూ చేసే పొరపాట్లు చేయకుండా, సరైన పద్ధతిలో ఎలా చేయాలంటే.. నవగ్రహ మండపం దగ్గరకు వెళ్ళినప్పుడు నేరుగా ప్రదక్షిణలు మొదలుపెట్టకూడదు. మొదట ఆదిత్యుడికి (సూర్యుడు - మధ్యలో ఉంటాడు) నమస్కారం చేసుకుని ప్రారంభించాలి.నవగ్రహాలకు సాధారణంగా 9 ప్రదక్షిణలు చేయాలి.ప్రదక్షిణలు ఎప్పుడూ ప్రసవ్యం (ఎడమ నుండి కుడికి - Clockwise) దిశలోనే చేయాలి.

ప్రదక్షిణ చేసే సమయంలో విగ్రహాలను తాకడం నిషిద్ధం. దూరం నుండే నమస్కరించాలి. ప్రదక్షిణ చేసేటప్పుడు ఎవరితోనూ మాట్లాడకూడదు. మనసులో ఆయా గ్రహాల శ్లోకాలు లేదా "ఓం నవగ్రహేభ్యో నమః" అని జపించాలి. రాహు, కేతువుల విగ్రహాల దగ్గర ప్రదక్షిణ చేసేటప్పుడు మీ వస్త్రం (పైట లేదా ఉత్తరీయం) విగ్రహానికి తగలకుండా జాగ్రత్త పడాలి.శని దేవుడికి మొక్కుకునేటప్పుడు విగ్రహానికి నేరుగా ఎదురుగా నిలబడి కళ్లల్లోకి చూడకూడదు. కొంచెం పక్కకు నిలబడి దర్శించుకోవడం మంచిదని పండితులు చెబుతుంటారు.

ప్రదక్షిణలు పూర్తయ్యాక, చివరగా మళ్ళీ ఒకసారి అందరికీ నమస్కరించి, మండపం నుండి బయటకు రావాలి. ప్రదక్షిణలు అయ్యాక కాసేపు ప్రశాంతంగా కూర్చుని వెళ్లడం సంప్రదాయం.సాధారణంగా రాహుకాలంలో నవగ్రహ ప్రదక్షిణలు చేయడం విశేష ఫలితాన్నిస్తుందని నమ్ముతారు. వీలైతే నవగ్రహాల దగ్గర ఆయా గ్రహాలకు సంబంధించిన నూనెలతో (నువ్వుల నూనె వంటివి) దీపం వెలిగించడం శుభకరం