In Shravan Month: శ్రావణ మాసంలో వర్షపు నీటితో ఇలా చేస్తే.. సమస్యలన్నీ మాయం

In Shravan Month: శ్రావణ మాసంలో వర్షాలు కురుస్తాయి కాబట్టి ఈ మాసం శివుడికి చాలా ప్రియమైనదని చెబుతారు. చాలా చోట్ల శివాలయంలోని శివలింగాన్ని నీటిలో నిమజ్జనం చేస్తారు. శివుడికి నీ1రు చాలా ప్రియమైనది. అందుకే ప్రతి ఆలయంలో శివలింగం పైన ఉన్న కలశం నుండి నీరు నిరంతరం పడుతూ ఉంటుంది. శతాబ్దాలుగా శ్రావణ మాసంలో వర్షపు నీటిలో తడవాలని పెద్దలు సలహా ఇస్తున్నారు. దీని వెనుక అనేక ఆధ్యాత్మిక కారణాలు ఉన్నాయి. ఈ నీటికి సంబంధించిన అనేక నివారణలు జీవితంలోని అనేక సమస్యలను పరిష్కరించగలవు.

వర్షపు నీరు అదృష్టాన్ని మారుస్తుందని నమ్ముతారు. ఇల్లు సంపదతో నిండిపోవచ్చు, అప్పులు, వివాహ సమస్యలు తీరవచ్చు, అనేక వ్యాధులను నయం చేయవచ్చు. కాబట్టి, వర్షపు నీటితో ఎలాంటి పరిష్కారాలను పొందగలమో ఇప్పుడు తెలుసుకుందాం..

రుణ విముక్తి:

శ్రావణ మాసంలో కురిసే వర్షపు నీటిని సేకరించి.. దానిని పచ్చి పాలలో కలిపి, ఆ నీటితో స్నానం చేయడం ద్వారా అప్పుల నుండి విముక్తి పొందుతారని నమ్ముతారు.

శివుని ఆశీస్సులు పొందడానికి:

శ్రావణ మాసంలో శివుడిని పూజించి, ప్రతిరోజూ వర్షపు నీటిని శుభ్రమైన పాత్రలో సేకరించి శివుడికి సమర్పించండి. ఈ నీటితో జలాభిషేకం చేయడం వల్ల వివిధ వ్యాధుల నుండి ఉపశమనంతో పాటు శివుని ఆశీస్సులు లభిస్తాయని నమ్ముతారు.

వ్యాపారంలో లాభం:

ఎవరైనా తమ వ్యాపారంలో పురోగతి, అభివృద్ధిని కోరుకుంటే.. వర్షపు నీటిని సేకరించి విష్ణువు, లక్ష్మీ దేవికి సమర్పించండి. ఇది మీ వ్యాపారాన్ని రోజురోజుకూ పెంచుతుందని నమ్ముతారు.

వైవాహిక సమస్య:

వైవాహిక సమస్యలు ఎదుర్కొంటున్న వారు గణేశుడికి వర్షపు నీటిని సమర్పించాలి. ఈ పరిహారం వివాహానికి సంబంధించిన అన్ని సమస్యలను తొలగిస్తుందని నమ్ముతారు.

ఆర్థిక సంక్షోభం:

ఒక చిన్న గాజు సీసాలో రెండు లవంగాలతో వర్షపు నీటిని కలిపి డబ్బు ఉంచే ప్రదేశంలో ఉంచడం వల్ల ఆర్థిక సమస్యలు తొలగిపోయి, సంపద పెరుగుతుందని నమ్ముతారు.