Tuesdays and Fridays: మంగళ, శుక్రవార వారాల్లో ధనాన్ని ఇవ్వకూడదా?

Tuesdays and Fridays: మంగళవారం, శుక్రవారం రోజుల్లో డబ్బు అప్పుగా ఇవ్వకూడదని మన సంప్రదాయంలో ఒక నమ్మకం ఉంది. దీని వెనుక ఉన్న కారణాలు, నమ్మకాలు ఎంటో ఇప్పుడు చూద్దాం. శుక్రవారం లక్ష్మీదేవికి అత్యంత ప్రీతికరమైన రోజుగా భావిస్తారు. ఈ రోజున డబ్బును ఇతరులకు ఇస్తే, లక్ష్మీదేవి మన ఇంటి నుంచి వెళ్లిపోతుందని నమ్ముతారు. దీనివల్ల ఆర్థిక ఇబ్బందులు వస్తాయని చాలామంది భావిస్తారు. మంగళవారం అప్పు తీసుకుంటే లేదా ఇస్తే, ఆ రుణాలు త్వరగా తీరవని, అవి మరింత పెరిగిపోతాయని ఒక నమ్మకం ఉంది. ఇది ఒక రకమైన జ్యోతిష్య నమ్మకం. మంగళవారం కుజుడు (Mars) గ్రహానికి సంబంధించిన రోజు. కుజుడు అప్పులకు, వివాదాలకు కారణమయ్యే గ్రహం.ఈ రెండు రోజుల్లో డబ్బును ఇతరులకు ఇస్తే అది తిరిగి రావడం కష్టమని లేదా ఆ డబ్బుతో అనుకున్న పనులు జరగవని చాలామంది విశ్వసిస్తారు. ఈ నమ్మకాలు పూర్తిగా వ్యక్తిగతమైనవి. వీటిని మన పెద్దలు ఆర్థిక క్రమశిక్షణ పాటించడానికి, డబ్బు విలువను అర్థం చేసుకోవడానికి ఒక మార్గంగా చెప్పేవారని కూడా కొందరు అంటారు. మీరు వీటిని నమ్మడం లేదా నమ్మకపోవడం పూర్తిగా మీ వ్యక్తిగత నిర్ణయం.