Want Goddess Lakshmi to Stay at Home: ఇంట్లో లక్ష్మీదేవి నిలవాలంటే.. డబ్బు ఇక్కడ అస్సలు పెట్టకండి!

Want Goddess Lakshmi to Stay at Home: ఇంట్లో సంపాదించిన ధనం నిలవాలన్నా, లక్ష్మీదేవి అనుగ్రహం కలగాలన్నా మనం డబ్బును ఉంచే ప్రదేశం విషయంలో అత్యంత జాగ్రత్తగా ఉండాలని ప్రముఖ వాస్తు నిపుణులు కృష్ణాదిశేషు సూచిస్తున్నారు. చాలామంది తెలియక చేసే చిన్న చిన్న పొరపాట్లు ఆర్థిక ఇబ్బందులకు, కుటుంబ కలహాలకు దారితీస్తాయని ఆయన హెచ్చరించారు. ముఖ్యంగా చీకటి గదుల్లో లేదా వెలుతురు సరిగ్గా లేని మూలల్లో నగదును ఉంచడం అస్సలు మంచిది కాదని, అలాగే బాత్రూమ్ పక్కన ఉన్న గోడలకు ఆనుకుని బీరువాలు లేదా ధనపు పెట్టెలను ఉంచకూడదని ఆయన స్పష్టం చేశారు. దక్షిణ దిశలో డబ్బును భద్రపరచడం వల్ల అప్పుల బాధలు పెరిగే అవకాశం ఉందని, ఇది ఆర్థికంగా నష్టాన్ని కలిగిస్తుందని వివరించారు.

మరో ముఖ్యమైన విషయం ఏమిటంటే, లక్ష్మీ స్వరూపంగా భావించే డబ్బును ఎప్పుడూ నేరుగా నేలపై పెట్టకూడదు. ఇలా చేయడం అశుభానికి సంకేతమని, దీనివల్ల ఇంట్లో ఉన్న ఐశ్వర్యం హరించుకుపోతుందని వాస్తు శాస్త్రం చెబుతోంది. ఇంట్లో సంపద వృద్ధి చెందాలంటే ఎప్పుడూ శుభ్రంగా, వెలుతురు ధారాళంగా ఉండే ప్రదేశాలను ఎంచుకోవాలని నిపుణులు సూచిస్తున్నారు. ముఖ్యంగా ఉత్తర లేదా తూర్పు దిశలు కుబేర స్థానాలు కాబట్టి, ఆ దిశల్లో ధనాన్ని భద్రపరుచుకోవడం వల్ల ఆర్థిక స్థిరత్వం లభిస్తుందని, కుటుంబంలో సుఖశాంతులు వెల్లివిరుస్తాయని కృష్ణాదిశేషు వివరించారు.