Arjuna’s Gandiva: అర్జునుడి గాండీవం అంటే ఏమిటి?

Arjuna’s Gandiva: గాండీవం ఒక దివ్యమైన విల్లు, దీనిని మొదట బ్రహ్మదేవుడు తయారు చేశాడు. ఈ విల్లును బ్రహ్మదేవుడు శతసహస్ర వర్షాలు, ప్రజాపతి చతుష్షష్టి సహస్ర వర్షాలు, ఇంద్రుడు పంచశత హాయనంబులు, వరుణుడు కొన్ని వందల సంవత్సరాలు ధరించారు. చివరికి వరుణుని వద్ద నుండి అగ్ని దేవుడు తీసుకున్నాడు. ఖాండవ వనాన్ని దహనం చేయాలని అగ్నిదేవుడు కోరుకున్నప్పుడు, అతనికి శ్రీకృష్ణుడు, అర్జునుడి సహాయం అవసరమైంది. అప్పుడు అర్జునుడు శక్తివంతమైన ఆయుధాన్ని కోరగా, అగ్ని దేవుడు వరుణుని నుండి గాండీవాన్ని తీసుకుని అర్జునుడికి ఇచ్చాడు. గాండీవం అక్షయ తూణీరాలతో వస్తుంది. అంటే, ఈ అమ్ములపొదిలో బాణాలు ఎప్పుడూ అయిపోవు. మహాభారత యుద్ధంలో అర్జునుడు అనేక మంది గొప్ప యోధులను ఈ విల్లుతో ఓడించాడు. గాండీవం అనే పేరు దానిని తయారుచేసిన 'గాండీవ' అనే వృక్షం నుండి వచ్చిందని కొన్ని కథనాలు చెబుతున్నాయి. ఈ అద్భుతమైన విల్లు అర్జునుడి గొప్ప విలువిద్యకు, అతని శక్తికి ప్రతీకగా నిలిచింది.