Devotees Offer Sesame Oil to Shani Dev: శనిదేవునికి ఆవనూనె సమర్పించడం వెనుక రహస్యం

Devotees Offer Sesame Oil to Shani Dev: హిందూమతంలో శని దేవుడిని కర్మకు అధిపతిగా, న్యాయాధిపతిగా భావిస్తారు. క్రమశిక్షణతో పాటు మనిషి మంచి, చెడు కర్మలను బట్టి ఆయన ఫలితాలను ప్రసాదిస్తాడు. అయితే జ్యోతిష్య శాస్త్రం ప్రకారం.. ప్రతి ఒక్కరి జీవితంలో ఎదురయ్యే శని సడే సతి, శని దోషాల ప్రతికూల ప్రభావాలను తగ్గించడానికి శనిదేవునికి ఆవనూనెను సమర్పించడం అత్యంత శ్రేష్టమైన పరిహారంగా చెబుతారు.

శని స్వభావరీత్యా చల్లదనం, మందకొడితనానికి ప్రతీక. అయితే ఆవనూనెలో ఉండే వెచ్చదనం, స్థిరత్వ గుణాలు శని యొక్క కఠినమైన, చల్లని శక్తిని సమతుల్యం చేస్తాయి. జీవితంలోని పోరాటాలు, ఒత్తిళ్లు, కర్మ సంబంధిత సంఘర్షణలను తగ్గించడానికి భక్తులు శనివారాల్లో ఆవనూనెతో ప్రార్థనలు చేసి త్వరిత ఉపశమనం పొందుతుంటారు. అసలు శనివారాల్లో ఆవనూనె సమర్పించే ఆచారం వెనుక ఎంతటి అద్భుతమైన పౌరాణిక కథ ఉందో తెలుసా?

పురాణాల ప్రకారం.. రావణుడు తన గర్వంతో నవగ్రహాలను బంధించగా, శనిదేవుడిని జైలులో తలక్రిందులుగా వేలాడదీశాడు. ఆ తర్వాత లంకా దహన సమయంలో హనుమంతుడు శనిని చెరసాల నుంచి విడిపించాడు. అయితే అంతకాలం తలక్రిందులుగా ఉండటం వల్ల తీవ్ర నొప్పితో బాధపడుతున్న శనిదేవునికి, హనుమంతుడు ఆయన శరీరం అంతటా ఆవనూనె పూసి ఉపశమనం కలిగించాడు. దీనికి సంతోషించిన శనిదేవుడు.. తనకు ఆవనూనె సమర్పించే భక్తుల బాధలన్నీ తొలగిస్తానని వరం ఇచ్చాడు. అప్పట్నుంచే శనివారాల్లో శనిదేవునికి ఆవనూనె సమర్పించే ఈ ప్రత్యేక ఆచారం భక్తిశ్రద్ధలతో కొనసాగుతోంది.