Copper Jewellery : రాగి ఆభరణాలతో చర్మానికి ఎన్నో ప్రయోజనాలు

Copper Jewellery : రాగి (Copper) ఆభరణాలను ధరించడం అనేది కేవలం ఒక ఫ్యాషన్ మాత్రమే కాదు, దీని వెనుక పురాతన కాలం నుండి వస్తున్న ఆరోగ్య ,చర్మ సంరక్షణ రహస్యాలు కూడా ఉన్నాయి. రాగి ఆభరణాల వల్ల చర్మానికి కలిగే ప్రయోజనాలు తెలుసుకుందాం.

1. బ్యాక్టీరియా నుండి రక్షణ

రాగికి సహజంగానే బ్యాక్టీరియాను , వైరస్‌లను చంపే శక్తి ఉంది. రాగి ఆభరణాలను ధరించడం వల్ల చర్మంపై ఉండే హానికరమైన సూక్ష్మజీవుల ప్రభావం తగ్గుతుంది, ఇది చర్మ ఇన్ఫెక్షన్లను నివారించడంలో సహాయపడుతుంది.

2. యాంటీ ఏజింగ్

రాగిలో యాంటీ ఆక్సిడెంట్ గుణాలు పుష్కలంగా ఉంటాయి. ఇది చర్మంలోని కొల్లాజెన్, ఎలాస్టిన్ ఉత్పత్తిని పెంచుతుంది. దీనివల్ల చర్మంపై ముడతలు తగ్గడమే కాకుండా, చర్మం యవ్వనంగా, బిగుతుగా కనిపిస్తుంది.

3. చర్మ రంగు, మెరుపు

రాగి శరీరంలోని ఎంజైమ్‌లతో కలిసి పనిచేసి చర్మానికి రంగునిచ్చే మెలనిన్ ఉత్పత్తికి సహాయపడుతుంది. ఇది సూర్యరశ్మి నుండి చర్మాన్ని రక్షించడమే కాకుండా, గాయాలు త్వరగా మానడానికి కూడా తోడ్పడుతుంది.

4. వాపులు, నొప్పుల నివారణ

చాలా మంది కీళ్ల నొప్పులు ఉన్నవారు రాగి కడియాలు ధరిస్తుంటారు. రాగి చర్మం ద్వారా శరీరంలోకి శోషించబడినప్పుడు, అది కీళ్ల వాపులను చర్మంపై వచ్చే మంటలను తగ్గించడంలో సహాయపడుతుంది.

రాగి ఆభరణాలు ధరించినప్పుడు చర్మంపై ఆకుపచ్చని రంగు మచ్చలు ఏర్పడవచ్చు. ఇది రాగి మీ చర్మంపై ఉండే చెమట (ఆమ్లాలు) తో చర్య జరపడం వల్ల జరుగుతుంది. దీనివల్ల ఎలాంటి హాని లేదు, నీటితో కడిగితే ఇది సులభంగా పోతుంది.ఎల్లప్పుడూ స్వచ్ఛమైన రాగి ఆభరణాలను ఎంచుకోండి. ఇతర లోహాలు కలిసినవి వాడితే చర్మంపై అలర్జీలు వచ్చే అవకాశం ఉంది.