Health:చియా గుడ్లు అంటే ఏంటో తెలసా..? వీటిని తింటే...

Health:ఈ ఆధునికకాలంలో ఆరోగ్యంపై ఎవరు పెద్దగా శ్రద్ధ పెట్టడం లేదు. ఉద్యోగాల బిజీలో పడి ఆరోగ్యం గురించి పట్టించుకునే టైమ్ ఉండడం లేదు. కానీ ఆరోగ్యంగా ఉండాలంటే హెల్తీ ఫుడ్ ముఖ్యం. బరువు తగ్గడానికి ఈ మధ్య చాలా మంది చియా సీడ్స్ ను వాడుతున్నారు. చియా సీడ్స్ ఒకే గానీ చియా గుడ్ల గురించి మీరు ఎప్పుడైన విన్నారా..? కోడిగుడ్లు తెలుసు కానీ చియా గుడ్లు అంటే ఏమిటి? అంటారా.. అవి ఈ స్టోరీలో తెలుసుకుందాం..

చియా గుడ్డు అంటే ఏమిటి?

చియా విత్తనాలలో ఫైబర్, ప్రోటీన్, ఇతర పోషకాలు ఉంటాయి. స్మూతీస్, పుడ్డింగ్‌లు, సలాడ్, ఎనర్జీ బార్‌లకు జోడించవచ్చు. చియా గింజల్లో కోడి గుడ్ల కంటే ఎక్కువ ప్రొటీన్ ఉంటుంది.

చియా గుడ్లు ప్రత్యేకమైనవి కావు. చియా విత్తనాలతో తయారు చేస్తారు. ఒక టేబుల్ స్పూన్ చియా గింజలను రెండున్నర టేబుల్ స్పూన్ల నీటిలో నానబెట్టాలి. ఇది చిన్నదిగా ఉంటుంది. దీనినే చియా ఎగ్ అంటారు. కోడి గుడ్లు తినని శాఖాహారులు చియా గుడ్లు తినవచ్చు.

ప్రోటీన్ కోసం చియా గుడ్లు...

ప్రోటీన్ కావాలంటే చియా గుడ్లు తినాలి. ఎందుకంటే కోడి గుడ్ల కంటే చియా గుడ్లలో ఎక్కువ ప్రొటీన్ ఉంటుంది. వంద గ్రాముల చియా గింజల్లో 17 గ్రాముల ప్రొటీన్, 595 మి.గ్రా కాల్షియం, 326 మి.గ్రా మెగ్నీషియం, 691 మి.గ్రా ఫాస్పరస్ ఉంటాయి. కోడి గుడ్డులో 10.7 గ్రాముల ప్రొటీన్ మాత్రమే ఉంటుంది.

చియా గుడ్లు తినడం వల్ల కలిగే ప్రయోజనాలు

జీర్ణక్రియను మెరుగుపరుస్తుంది

చియా విత్తనాలలో 30 నుండి 34 గ్రాముల ఫైబర్ ఉంటుంది. ఒక పరిశోధన ప్రకారం 7 నుండి 15% వరకు కరిగే ఫైబర్ ఉంటుంది. దీన్ని వల్ల మలబద్ధకం సమస్య ఉండదు.

గుండె సమస్యలను నివారిస్తుంది

చియా విత్తనాలు మొక్కల ఆధారిత ఒమేగా-3లకు గొప్ప మూలం. ఇది ట్రైగ్లిజరైడ్ తగ్గించే ప్రభావాన్ని కలిగి ఉంటుంది. గుండె సంబంధిత సమస్యలను నివారించడంలో సహాయపడుతుంది. మంచి కొలెస్ట్రాల్ పెంచి.. చెడు కొలెస్ట్రాల్ ను తగ్గిస్తుంది.

గ్లూటెన్-ఫ్రీ

చియా గింజల నుండి తయారైన చియా గుడ్లు గ్లూటెన్ రహితంగా ఉంటాయి. ఉదరకుహర వ్యాధి, ఆటో ఇమ్యూన్ వ్యాధికి అనుకూలం. గుడ్డు అలెర్జీ ఉన్నవారు సాంప్రదాయ గుడ్లకు ప్రత్యామ్నాయంగా చియా గుడ్డు తినవచ్చు.

యవ్వనంగా ఉండేలా :

ఈ ఆరోగ్యకరమైన విత్తనాలలో ఉండే యాంటీ ఆక్సిడెంట్లు యవ్వనంగా ఉండేలా చేస్తుంది. యాంటీ ఆక్సిడెంట్లు సెల్ డ్యామేజ్ కాకుండా ఫ్రీ రాడికల్స్ తో పోరాడుతాయని నిపుణులు చెబుతున్నారు. క్యాన్సర్ వంటి సమస్యలను నివారిస్తుంది.