Yellow Urine Indicate a Liver Problem: పసుపు రంగు మూత్రం కాలేయ సమస్యకు సంకేతమా? నిపుణుల కీలక విశ్లేషణ..

Yellow Urine Indicate a Liver Problem: సాధారణంగా ఉదయం పూట లేదా సరిపడా నీళ్లు తాగనప్పుడు మూత్రం పసుపు రంగులోకి మారడం మనం చూస్తుంటాం. అయితే, ఇది కేవలం డీహైడ్రేషన్ మాత్రమేనా? లేక కాలేయ తీవ్ర సమస్యలకు ముందస్తు హెచ్చరికనా? ఈ విషయంపై వైద్యులు పలు కీలక విషయాలను వెల్లడించారు. మూత్రం రంగు మారడానికి అనేక రకాల శారీరక కారణాలు ఉండవచ్చని డాక్టర్లు తెలిపారు.

డీహైడ్రేషన్: శరీరానికి సరిపడా నీరు అందనప్పుడు మూత్రం చిక్కబడి పసుపు రంగులోకి మారుతుంది.

సప్లిమెంట్ల వాడకం: విటమిన్ బి12 వంటి సప్లిమెంట్లు తీసుకుంటున్నప్పుడు కూడా మూత్రం రంగులో మార్పులు రావడం సహజం.

కాలేయ వ్యాధులు: కాలేయం సరిగ్గా పనిచేయనప్పుడు లేదా దెబ్బతిన్నప్పుడు మూత్రం రంగు తీవ్రంగా మారుతుంది.

ఇది కాలేయ వ్యాధి లేదా కాలేయ నష్టానికి సంకేతమా?

అవును, ముదురు పసుపు లేదా టీ (కాఫీ) రంగులో మూత్రం రావడం కాలేయం తీవ్రంగా దెబ్బతిన్నదనడానికి ప్రధాన సంకేతం కావచ్చు.

వైద్యుల వివరణ:

ఆరోగ్యకరమైన కాలేయం శరీరంలో ఉద్భవించే బిలిరుబిన్ అనే వ్యర్థ పదార్థాన్ని శుద్ధి చేస్తుంది. కానీ, ఫ్యాటీ లివర్, కామెర్లు లేదా కాలేయం పూర్తిగా దెబ్బతిన్న పరిస్థితుల్లో కాలేయం బిలిరుబిన్‌ను సరిగ్గా ప్రాసెస్ చేయలేకపోతుంది. దీనివల్ల రక్తంలో బిలిరుబిన్ శాతం పెరిగి, మూత్రం ద్వారా విసర్జించబడుతుంది. ఫలితంగా మూత్రం ముదురు పసుపు లేదా టీ రంగులోకి మారుతుంది.

కనిపించే ఇతర అనుబంధ లక్షణాలు:

కాలేయ సమస్య ఉన్నప్పుడు కేవలం మూత్రం రంగు మారడమే కాకుండా మరికొన్ని లక్షణాలు కూడా కనిపిస్తాయి:

అధిక అలసట - నిసత్తువ

లేత రంగులో మలం రావడం

కడుపు నొప్పితో కూడిన అసౌకర్యం

అసలు మూత్రం రంగు ఎలా ఉండాలి?

డాక్టర్ల ప్రకారం.. మూత్రం రంగు పూర్తిగా తెల్లగా లేదా మరీ ముదురు పసుపు రంగులో ఉండకూడదు. ఆరోగ్యకరమైన మూత్రం ఎల్లప్పుడూ లేత పసుపు రంగులో ఉండాలి.

నిపుణుల సూచన

మూత్రం రంగులో మార్పులు తాత్కాలికంగా ఉంటే డీహైడ్రేషన్ కారణం కావచ్చు. కానీ, నిరంతరం ముదురు పసుపు రంగులో మూత్రం వస్తూ, ఇతర ఆరోగ్య సమస్యలు వేధిస్తుంటే ఆలస్యం చేయకుండా వెంటనే సంబంధిత వైద్య నిపుణుడిని సంప్రదించి పరీక్షలు చేయించుకోవడం ఉత్తమం.