Burning Sensation in Chest: గుండెల్లో మంటను లైట్ తీసుకుంటున్నారా..? తస్మాత్ జాగ్రత్త..

Burning Sensation in Chest: గుండె ఆరోగ్యానికి ఆరోగ్యకరమైన జీవనశైలిని అనుసరించడం చాలా అవసరం. ఇందులో సమతుల్య ఆహారం, క్రమం తప్పకుండా వ్యాయామం, తగినంత నిద్ర ఉన్నాయి. ధూమపానం, మద్యపానం, ఒత్తిడి వంటి అంశాలు గుండె ఆరోగ్యాన్ని బలహీనపరుస్తాయి. అతిగా తినడం, అనారోగ్యకరమైన ఆహారాలు తీసుకోవడం వల్ల గుండెకు హాని కలుగుతుందని వైద్యులు చెబుతున్నారు.

మీరే డాక్టర్ అవ్వకండి!

గుండె సమస్యల లక్షణాలను గుర్తించడం చాలా ముఖ్యం. ఛాతీ నొప్పి, ఊపిరి ఆడకపోవడం, తల తిరగడం, వాంతులు వంటి లక్షణాలు కనిపిస్తే, మీరు వెంటనే వైద్యుడిని సంప్రదించాలి. గుండెల్లో మంటను అసిడిటీ లేదా గ్యాస్ట్రిటిస్ అని పొరబడకూడదు. వైద్యుడిని సంప్రదించే ముందు స్వీయ వైద్యం చేసుకోవడం ప్రమాదకరం.

ఏడాదికి ఒకసారి కొలెస్ట్రాల్, రక్తపోటు, రక్తంలో చక్కెర పరీక్షలు చేయించుకోవడం అవసరం. ECG, ఎకోకార్డియోగ్రామ్, ట్రెడ్‌మిల్ పరీక్షలు గుండె ఆరోగ్యాన్ని అంచనా వేయడానికి సహాయపడతాయి. ఈ పరీక్షలు గుండె సంబంధిత సమస్యలను ప్రారంభ దశలోనే గుర్తించి, వాటికి చికిత్స చేయడం ద్వారా గుండెకు జరిగే నష్టాన్ని నివారించగలవు. ఆరోగ్యకరమైన జీవనశైలి, క్రమం తప్పకుండా ఆరోగ్య పరీక్షలు చేయించుకోవడం ద్వారా ఆరోగ్యకరమైన హృదయాన్ని కాపాడుకోవచ్చని నిపుణులు అంటున్నారు.