During the Rainy Season: వర్షాకాలంలో బట్టలు వాసన రాకుండా ఉండాలంటే ఏం చేయాలంటే?

During the Rainy Season: వర్షాకాలంలో అధిక తేమ వల్ల బట్టలు సరిగా ఆరక, వాటికి ఒక రకమైన దుర్వాసన వస్తుంది. ఈ సమస్యను నివారించడానికి కొన్ని చిట్కాలు ఎంటో తెలుసుకుందాం.

బట్టలు ఉతికేటప్పుడు:

వీలైనంత వరకు వేడి నీటితో బట్టలు ఉతకడానికి ప్రయత్నించండి. వేడి నీరు బ్యాక్టీరియాను తొలగించి, వాసన రాకుండా చేస్తుంది. బట్టలు ఉతికేటప్పుడు, చివరిసారిగా నీటిలో కొద్దిగా డెటాల్ లేదా సావ్లాన్ వంటి యాంటీ-బ్యాక్టీరియల్ లిక్విడ్ కలపండి. ఇది సూక్ష్మక్రిములను చంపి, దుర్వాసనను తగ్గిస్తుంది. ఉతికేటప్పుడు కొద్దిగా తెల్ల వెనిగర్ లేదా నిమ్మరసం కలపడం వల్ల కూడా బ్యాక్టీరియా తొలగిపోయి, బట్టలకు తాజాదనం వస్తుంది.

బట్టలు ఆరబెట్టేటప్పుడు:

బట్టలు పూర్తిగా ఆరే వరకు తీయకూడదు. ఇది చాలా ముఖ్యం. కొద్దిగా తేమ ఉన్నా అది వాసనకు దారితీస్తుంది.బట్టలను ఆరబెట్టేటప్పుడు గాలి బాగా ఆడే ప్రదేశంలో, వెలుతురు తగిలే చోట ఆరవేయండి. ఇంట్లో ఆరబెట్టాల్సి వస్తే, కిటికీలు తెరిచి ఉంచండి లేదా ఫ్యాన్ కింద ఆరబెట్టండి. బట్టలను ఒకదానికొకటి తాకకుండా ఎడెంగా ఆరవేయండి. ఇలా చేస్తే వాటికి గాలి బాగా తగిలి త్వరగా ఆరుతాయి. మీ ఇంట్లో తేమ ఎక్కువగా ఉంటే, డిహ్యూమిడిఫైయర్ ఉపయోగించడం వల్ల గాలిలోని తేమ తగ్గి, బట్టలు త్వరగా ఆరుతాయి.

బట్టలు నిల్వ చేసేటప్పుడు:

పూర్తిగా ఆరిన బట్టలను మాత్రమే అలమరాలో లేదా బీరువాలో పెట్టండి. తేమగా ఉన్న బట్టలను అస్సలు పెట్టకూడదు. బట్టలు నిల్వ చేసే చోట నాఫ్తలీన్ బాల్స్ లేదా సిలికా జెల్ ప్యాకెట్లు ఉంచండి. ఇవి తేమను పీల్చుకొని, వాసన రాకుండా చేస్తాయి. బట్టలను మరీ కుక్కి పెట్టకుండా, వాటి మధ్య గాలి వెళ్ళడానికి కొద్దిగా ఖాళీ ఉంచండి. కొన్ని పాత వార్తాపత్రికలను అలమరాలో లేదా బట్టల మధ్య ఉంచడం వల్ల అవి తేమను పీల్చుకుంటాయి. మంచి సువాసన కోసం లవెండర్ సాచెట్స్ లేదా ఎండబెట్టిన సుగంధ ద్రవ్యాలను బట్టల మధ్య ఉంచవచ్చు. ఈ చిట్కాలను పాటించడం ద్వారా వర్షాకాలంలో బట్టలకు దుర్వాసన రాకుండా చూసుకోవచ్చు.