Eating Rusk a Risk: రస్క్ తింటే రిస్కా.?

Eating Rusk a Risk: రస్క్ అంటే చాలా మందికి తెలుసు.. రస్క్ అంటే రెండుసార్లు కాల్చిన ఒక పొడి బ్రెడ్ ముక్క. ఇది భారత్‌లో సాధారణంగా టీ లేదా కాఫీతో కలిపి తినే ఒక స్నాక్.రస్క్‌ను సాధారణంగా గోధుమ పిండి లేదా మైదా (రిఫైన్డ్ పిండి), చక్కెర, నూనె, ఈస్ట్ కొన్నిసార్లు గుడ్లు కలిపి తయారు చేస్తారు. రస్క్ చాలా పొడిగా ఉంటుంది కాబట్టి, అది తేలికగా జీర్ణమవుతుంది. జలుబు, దగ్గు, లేదా కడుపు బాలేనప్పుడు చాలామంది రస్క్‌ని తింటారు. రస్క్ పొడిగా ఉండటం వల్ల త్వరగా పాడవదు. ఇంట్లో తయారుచేసిన రస్క్ సురక్షితమైనది.

రస్క్‌లు మైదా (రిఫైన్డ్ పిండి), చక్కెర, నూనె ,ప్రిజర్వేటివ్‌లతో తయారు చేస్తారు. మైదాలో పోషక విలువలు తక్కువగా ఉంటాయి. ఎక్కువ మైదా తింటే జీర్ణ సమస్యలు, బరువు పెరగడం వంటి సమస్యలు రావచ్చు. బయట తయారు చేసే రస్క్‌లలో ఎక్కువ చక్కెర ఉంటుంది. ఇది రక్తంలో చక్కెర స్థాయిలను పెంచుతుంది, ముఖ్యంగా డయాబెటిస్ ఉన్నవారికి మంచిది కాదు. కొన్ని రస్క్‌లను వేయించడం లేదా ఎక్కువ నూనెతో తయారు చేస్తారు, దీనివల్ల కొవ్వులు ఎక్కువగా ఉంటాయి.సాధారణ రస్క్‌లో విటమిన్లు, మినరల్స్, ఫైబర్ చాలా తక్కువగా ఉంటాయి.

రస్క్ తినాలనుకుంటే, మైదాకు బదులుగా గోధుమ పిండితో తయారు చేసిన రస్క్‌లను ఎంచుకోవడం ఉత్తమం. అలాగే, తక్కువ చక్కెర ఉన్న రస్క్‌లను లేదా ఇంట్లో తయారు చేసినవాటిని తీసుకోవడం మంచిది.అప్పుడప్పుడు, పరిమితంగా రస్క్ తినడం పెద్ద సమస్య కాదు. కానీ, ప్రతిరోజూ, ఎక్కువగా తినడం ఆరోగ్యానికి మంచిది కాదు.