While Eating an Apple: ఆపిల్ తినేటప్పుడు ఈ పొరపాటు అస్సలు చేయొద్దు..?

While Eating an Apple: ప్రతిరోజూ ఒక ఆపిల్ తినడం వల్ల వివిధ వ్యాధులకు దూరంగా ఉంచవచ్చని వైద్యులు అంటారు. ఈ పండులో విటమిన్లు, ఫైబర్, యాంటీఆక్సిడెంట్లు వంటి అనేక రకాల పోషకాలు ఉన్నాయి. ఇవి మన శరీరాన్ని అనేక వ్యాధుల నుండి రక్షిస్తాయి. అందుకే వైద్యులు ఆపిల్స్ ఎక్కువగా తినమని చెబుతారు. అయితే ఇటీవలి కాలంలో, ఆపిల్స్‌పై కృత్రిమ రంగులు, మైనం వాడటం వల్ల ఆపిల్ తినే వారి సంఖ్య తగ్గింది. అయినప్పటికీ, ప్రజలు ఆపిల్ పండ్లను తొక్క తీసి, లోపల విత్తనాలను తొలగించి తింటారు. కానీ కొంతమంది ఆ విత్తనాలను కూడా తింటారు. ఈ విధంగా తినడం వల్ల అనేక సమస్యలు వస్తాయని నిపుణులు చెబుతున్నారు. అవును.. ఆపిల్ విత్తనాలపై జరిగిన శాస్త్రీయ పరిశోధనలో ఒక దిగ్భ్రాంతికరమైన నిజం వెల్లడైంది. ఆపిల్ గింజలను ఎందుకు తినకూడదో తెలుసుకుందాం..

ఇది శరీరానికి ఎందుకు హానికరం?

ఆపిల్ గింజలు సాధారణంగా అమిగ్డాలిన్ అనే విషపూరిత సమ్మేళనాన్ని కలిగి ఉంటాయి. ఆపిల్ గింజలను తినేటప్పుడు, అమిగ్డాలిన్ శరీరంలో హైడ్రోజన్ సైనైడ్‌గా మారుతుంది. ఇది శరీరానికి చాలా హానికరం. అందుకే పెద్ద మొత్తంలో ఆపిల్ గింజలను తినకూడదని పరిశోధకులు సలహా ఇస్తున్నారు. అమిగ్డాలిన్ ఎక్కువగా ఆపిల్, బాదం, ఆప్రికాట్లు, పీచెస్, చెర్రీస్ మొదలైన పండ్లలో కనిపిస్తుంది. ఇది శరీర కణాలకు ఆక్సిజన్ చేరకుండా నిరోధిస్తుంది. అంతే కాదు, చిన్న మొత్తంలో సైనైడ్ కూడా శరీరానికి స్వల్పకాలిక నష్టాన్ని కలిగిస్తుంది. దీనివల్ల తలనొప్పి, గందరగోళం, అలసట, నీరసం వంటి సమస్యలు వస్తాయి. శరీరంలో సైనైడ్ అధిక మొత్తంలో ఉంటే, అధిక రక్తపోటు, స్ట్రోక్, మూర్ఛపోవడం వంటి తీవ్రమైన సమస్యలు సంభవించవచ్చు. కొన్నిసార్లు ఇది కోమా, మరణానికి కూడా దారితీయవచ్చు. అమిగ్డాలిన్ ప్రాణాంతకం కాకపోయినా, శరీరానికి హానికరం. అందుకే చిన్న పిల్లలకు తినిపించేటప్పుడు విత్తనాలను తొలగించాలి.

పరిశోధన ప్రకారం.. అమిగ్డాలిన్ పరిమాణం ఆపిల్ రకాన్ని బట్టి ఉంటుంది. సాధారణంగా ఇది నాలుగు మిల్లీగ్రాముల వరకు ఉంటుంది. విత్తనాల నుండి విడుదలయ్యే సైనైడ్ పరిమాణం కూడా చాలా తక్కువగా ఉంటుంది. 50-300 మి.గ్రా. హైడ్రోజన్ సైనైడ్ ప్రాణాంతకం కావచ్చు. ఒక గ్రాము ఆపిల్ గింజల్లో 0.6 మి.గ్రా హైడ్రోజన్ సైనైడ్ ఉంటుంది. దీని అర్థం 80 నుండి 500 విత్తనాలను తినడం వల్ల ఒక వ్యక్తి ప్రాణాపాయం కలుగుతుంది. అధ్యయనం ప్రకారం, ఆపిల్స్ లేదా వాటి రసం నుండి విత్తనాలను తొలగించి త్రాగాలి. పిల్లలకు ఆపిల్ తో తయారు చేసిన ఆహారాన్ని ఇచ్చేటప్పుడు చాలా జాగ్రత్తగా ఉండాలని చెప్పబడింది.