Damaging Your Kidneys: మీరు రోజూ చేసే ఈ చిన్న చిన్న తప్పులే మీ కిడ్నీలను ఖతం చేస్తాయి..

Damaging Your Kidneys: మన శరీరంలో రక్తాన్ని శుద్ధి చేస్తూ, వ్యర్థాలను బయటకు పంపే ఫిల్టర్లు కిడ్నీలు. అయితే మనం రోజువారీ జీవితంలో చేసే కొన్ని అలవాట్లు ఈ కీలక అవయవాలను తీవ్రంగా దెబ్బతీస్తాయని ఆరోగ్య నిపుణులు హెచ్చరిస్తున్నారు. కిడ్నీ వ్యాధులు ముదిరే వరకు బయటపడవు, అందుకే ముందే జాగ్రత్త పడటం అవసరం.

మీ కిడ్నీలను దెబ్బతీసే 5 ప్రధాన అలవాట్లు

తగినంత నీరు తాగకపోవడం:

నీరు తక్కువగా తాగడం వల్ల శరీరంలో విషపదార్థాలు పేరుకుపోతాయి. దీనివల్ల కిడ్నీలు వడపోత కోసం ఎక్కువ కష్టపడాల్సి వస్తుంది. ఇది దీర్ఘకాలంలో కిడ్నీలో రాళ్లు, ఇన్ఫెక్షన్లకు దారితీస్తుంది.

ఉప్పు ఎక్కువగా వాడటం:

ఆహారంలో ఉప్పు అధికంగా తీసుకోవడం వల్ల రక్తపోటు పెరుగుతుంది. ఈ అధిక బీపీ కిడ్నీల్లోని సున్నితమైన రక్తనాళాలను దెబ్బతీస్తుంది, ఫలితంగా కిడ్నీలు పని చేయడం మానేస్తాయి.

పెయిన్ కిల్లర్స్ వాడకం:

చిన్న తలనొప్పి లేదా ఒళ్లు నొప్పులు రాగానే డాక్టర్ సలహా లేకుండా తరచూ పెయిన్ కిల్లర్స్ వాడటం చాలా ప్రమాదకరం. ఇవి కిడ్నీల వడపోత సామర్థ్యాన్ని నేరుగా దెబ్బతీస్తాయి.

జంక్ ఫుడ్ - చక్కెర:

ప్రాసెస్ చేసిన ఆహారాలు, వేయించిన పదార్థాలు, అతిగా తీపి పదార్థాలు తినడం వల్ల ఊబకాయం, మధుమేహం వస్తాయి. ఈ రెండు సమస్యలు కిడ్నీలపై విపరీతమైన ఒత్తిడిని పెంచుతాయి.

మూత్రాన్ని ఆపుకోవడం:

చాలా మంది పనుల ఒత్తిడిలో ఉండి మూత్రాన్ని ఎక్కువ సేపు ఆపుకుంటారు. ఇలా చేయడం వల్ల మూత్రాశయంలో బ్యాక్టీరియా పెరిగి యూరినరీ ట్రాక్ట్ ఇన్ఫెక్షన్స్ వచ్చే ప్రమాదం ఉంది. ఈ ఇన్ఫెక్షన్లు కిడ్నీలకు పాకితే పరిస్థితి విషమిస్తుంది.

కిడ్నీలు ఆరోగ్యంగా ఉండాలంటే ఏం చేయాలి?

రోజుకు కనీసం 3 నుండి 4 లీటర్ల నీరు తాగాలి.

ఆహారంలో పచ్చళ్లు, అప్పడాలు వంటి ఉప్పు అధికంగా ఉండే పదార్థాలను తగ్గించాలి.

సొంత వైద్యం మానుకుని, ఏదైనా సమస్య ఉంటే డాక్టరును సంప్రదించాలి.

క్రమం తప్పకుండా వ్యాయామం చేస్తూ బరువును అదుపులో ఉంచుకోవాలి.