Delhi High Court: వాంగ్చుక్ ఆరోగ్య పరిస్థితి: దిల్లీ హైకోర్టు కీలక ఆదేశాలు
కీలక ఆదేశాలు
Delhi High Court: జంతర్మంతర్ వద్ద నిరవధిక నిరాహార దీక్ష చేస్తున్న సామాజిక కార్యకర్త సోనం వాంగ్చుక్ ఆరోగ్యాన్ని ఎప్పటికప్పుడు పర్యవేక్షించాలని, పరిస్థితి విషమించినట్లయితే వెంటనే వైద్య సహాయం అందించాలని దిల్లీ హైకోర్టు అధికారులకు కీలక ఆదేశాలు జారీ చేసింది.
రోజూ ప్రభుత్వ వైద్యులు వాంగ్చుక్ను పరీక్షించి, ఆయన ఆరోగ్య స్థితిని గమనించాలని గురువారం జస్టిస్ డీకే ఉపాధ్యాయ, జస్టిస్ తేజస్ కరియాల ధర్మాసనం సూచించింది. పౌరుడి ప్రాణం అమూల్యమని, దేశ రాజధానిలో ఇలాంటి సంఘటనలు జరగకూడదని కోర్టు పేర్కొంది.
వాంగ్చుక్ గత 19 రోజులుగా నిరాహార దీక్షలో ఉన్నారు. 59 ఏళ్ల ఆయన 19 రోజుల్లోనే 9 కేజీలు తగ్గారని, ఆరోగ్యం క్లిష్ట స్థితికి చేరుకుందని వైద్యులు తెలిపారు. మరో 48 గంటల్లో వైద్యం అందకపోతే ప్రాణాలు పోయే ప్రమాదం ఉందని బుధవారం దాఖలైన పిటిషన్పై విచారణ సందర్భంగా కోర్టు ఈ ఆదేశాలు ఇచ్చింది.
దీక్ష విరమించుకోవాలని ప్రభుత్వం, ఇతరులు చేస్తున్న విజ్ఞప్తులను వాంగ్చుక్ తిరస్కరిస్తున్నారు. ఆయనను ఆమ్ ఆద్మీ పార్టీ నేత, ఢిల్లీ మాజీ ముఖ్యమంత్రి అరవింద్ కేజ్రీవాల్ పరామర్శించారు.
ఈ కేసు సంబంధించి తదుపరి విచారణను కోర్టు వాయిదా వేసింది. వాంగ్చుక్ ఆరోగ్యం స్థిరంగా ఉండాలని, అనవసరంగా ప్రాణ నష్టం జరగకూడదని సామాజిక కార్యకర్తలు, రాజకీయ నాయకులు కోరుతున్నారు.