Nirmala Sitharaman: నిర్మలా సీతారామన్‌ వరుసగా 8వసారి బడ్జెట్‌ ప్రవేశపెట్టి చరిత్ర సృష్టి!

Nirmala Sitharaman: కేంద్ర ఆర్థిక మంత్రి నిర్మలా సీతారామన్‌ ఆదివారం వరుసగా తొమ్మిదో సారి కేంద్ర బడ్జెట్‌ను పార్లమెంటులో ప్రవేశపెట్టారు. దీంతో ఆమె చరిత్ర సృష్టించారు. ఇది ఒకే ప్రధాని (నరేంద్ర మోదీ) నేతృత్వంలోని ప్రభుత్వంలో వరుసగా ఎనిమిదేళ్ల పాటు బడ్జెట్‌ సమర్పణ చేసిన మొదటి ఆర్థిక మంత్రిగా నిర్మలాకు ఈ ఘనత సాధించింది.

గతంలో మాజీ ప్రధాని మొరార్జీ దేశాయ్‌ వివిధ పదవీకాలాల్లో మొత్తం 10 సార్లు బడ్జెట్‌ ప్రవేశపెట్టారు (1959-64 మధ్య 6 సార్లు, 1967-69 మధ్య 4 సార్లు). అయితే, వరుసగా ఒకే ప్రభుత్వంలో ఇంత ఎక్కువ సార్లు బడ్జెట్‌ సమర్పించిన రికార్డు నిర్మలా సీతారామన్‌ పేరుతో నమోదైంది. కేంద్ర మాజీ మంత్రుల్లో పి. చిదంబరం 9 సార్లు, ప్రణబ్ ముఖర్జీ 8 సార్లు వేర్వేరు ప్రభుత్వాల్లో బడ్జెట్లు సమర్పించారు. కానీ, నిర్మలా విషయంలో ఒకే ప్రధాని హయాంలో వరుసగా ఎనిమిది బడ్జెట్లు ప్రవేశపెట్టడం ప్రత్యేకత.

బడ్జెట్‌ ప్రవేశపెట్టే ముందు నిర్మలా సీతారామన్‌ తన బృందంతో రాష్ట్రపతి భవన్‌కు చేరుకున్నారు. అక్కడ ప్రథమ పౌరురాలు ద్రౌపదీ ముర్మును లాంఛనంగా కలిసి బడ్జెట్‌ పత్రాలను అందజేశారు. రాష్ట్రపతి ఆమెకు అభినందనలు తెలిపి, శుభానికి సంకేతంగా చక్కెర కలిపిన పెరుగు (దహీ చీనీ) తినిపించారు. క్యాబినెట్‌ ఆమోదం అనంతరం ఉదయం 11 గంటలకు లోక్‌సభలో బడ్జెట్‌ ప్రవేశపెట్టారు.

బడ్జెట్‌ సమర్పణ సందర్భంగా నిర్మలా సీతారామన్‌ ధరించిన చీరపైనా అందరి దృష్టి పడింది. చేనేత చీరల పట్ల మక్కువ చూపే ఆమె ఈసారి అందమైన కాంచీపురం చీరలో అందంగా కనిపించారు.