గిరిజన హక్కుల కార్యకర్త స్టాన్ స్వామి మృతి

గిరిజన హక్కుల కార్యకర్త స్టాన్ స్వామి సోమవారం మధ్యాహ్నం 1.30 గంటలకు మరణించారు. ఆయన వయసు 84. మే నెలలో ఆయన ఆరోగ్య పరిస్థితి క్షీణించడంతో ముంబైలోని హోలీ ఫ్యామిలీ ఆసుపత్రిలో చికిత్స పొందుతున్నారు. భీమా కోరేగావ్ కేసుకు సంబంధించి స్వామి తొమ్మిది నెలలు జైలులో ఉన్నారు . పార్కిన్సన్స్ వ్యాధితో బాధపడుతున్న ఆయనకు ఆదివారం వెంటిలేటర్ సపోర్ట్ ఇచ్చారు .

హోలీ ఫ్యామిలీ హాస్పిటల్‌కు చెందిన డాక్టర్ ఇయాన్ డిసౌజా బొంబాయి హైకోర్టుకు ఇచ్చిన నివేదిక లో స్వామి ఆదివారం గుండెపోటుతో బాధపడ్డారని తెలిపారు. అప్పుడు స్వామిని వెంటిలేటర్ సపోర్టులో ఉంచారు. కానీ ఆ తర్వాత ఆయన తిరిగి స్పృహలోకి రాలేదని డాక్టర్ చెప్పారు. బెయిల్ కోరుతూ స్వామి చేసిన పిటిషన్లను హైకోర్టు విచారించింది,చట్టవిరుద్ధ కార్యకలాపాలు (నివారణ) చట్టంలోని ఒక విభాగాన్ని అనుసరించి బెయిల్ పిటీషన్ ని కొట్టివేసింది.

శవపరీక్ష అవసరమా అని హైకోర్టు అడిగినప్పుడు, డాక్టర్ మరణానికి కారణం తెలిసిందని చెప్పారు. పార్కిన్సన్ వ్యాధి కారణంగా ఆయన ఊపిరితిత్తులను ప్రభావితం చేసిన కోవిడ్ అనంతర సమస్యలతో స్వామి మరణించారు అని తెలిపారు.

" ఇది దిగ్భ్రాంతికరమైన వార్త" అని స్వామి మరణంపై హైకోర్టు వ్యాఖ్యానించింది. "మేము అతనిని తనకు నచ్చిన ఆసుపత్రికి తీసుకెళ్లడానికి ఉత్తర్వును ఆమోదించాము. మా సంతాపాన్ని తెలియజేయడానికి మాకు మాటలు లేవు. ” అని పేర్కొంది.

స్వామికి ప్రాతినిధ్యం వహిస్తున్న న్యాయవాది మిహిర్ దేశాయ్ ఆయన మరణంపై న్యాయ విచారణ చేయాలని డిమాండ్ చేశారు .10 రోజుల ఆలస్యంగా ఆసుపత్రికి తరలించారని చెప్పారు. "హోలీ ఫ్యామిలీ హాస్పిటల్ పై మాకు ఎటువంటి ఫిర్యాదు లేదు" అని దేశాయ్ చెప్పారు. "హైకోర్టు ధర్మాసనం అతనికి ఉత్తమ వైద్య సంరక్షణను అందించేలా చేసింది. దురదృష్టవశాత్తు NIA [నేషనల్ ఇన్వెస్టిగేషన్ ఏజెన్సీ] , జైలు అధికారుల అదేశాలు పాటించడంలో నిర్లక్ష్యం చేశారు. ”

అన్ని కోవిడ్ -19 ప్రోటోకాల్స్‌కు అనుగుణంగా అంత్యక్రియలు నిర్వహించాలనుకుంటున్న స్వామి మృతదేహాన్ని తన స్నేహితుడు ఫాదర్ ఫ్రేజర్‌కు అప్పగించాలి అని దేశాయ్ కోర్టుకు కోరారు.

అంతకుముందు ఆదివారం, పౌర సమాజ సభ్యులు జోక్యం చేసుకుని అనారోగ్యంతో ఉన్న స్వామి ని విడుదల చేయాలని బొంబాయి హైకోర్టు ప్రధాన న్యాయమూర్తిని కోరారు. వెంటనే బెయిల్ మంజూరు చేసి జార్ఖండ్‌కు తిరిగి రావడానికి అనుమతించాలని వారు డిమాండ్ చేశారు.

అదే రోజు, జాతీయ మానవ హక్కుల కమిషన్ మహారాష్ట్ర ప్రభుత్వానికి నోటీసు జారీ చేసింది, గిరిజన హక్కుల కార్యకర్త ఆరోగ్య పరిస్థితి మరింత దిగజారింది. " అతని ప్రాథమిక మానవ హక్కుల పరిరక్షణలో భాగంగా" అతనికి ఆరోగ్య సదుపాయాలు కల్పించడానికి అన్ని ప్రయత్నాలు జరిగాయని NIA ప్రభుత్వానికి నివేదించింది.

స్వామిని అక్టోబర్ 8 న రాంచీ నుండి జాతీయ దర్యాప్తు సంస్థ అరెస్టు చేసి, మరుసటి రోజు ముంబైకి తీసుకువచ్చింది. భారతీయ శిక్షాస్మృతిలోని వివిధ సెక్షన్లు మరియు చట్టవిరుద్ధ కార్యకలాపాల (నివారణ) చట్టంలోని ఉగ్రవాద సంబంధిత నేరాలపై ఆయనపై అభియోగాలు మోపారు. తాను పనిచేసిన వివిధ పౌర హక్కుల సంస్థల ద్వారా కమ్యూనిస్ట్ పార్టీ ఆఫ్ ఇండియా (మావోయిస్టు) కు స్వామి సహాయం చేశాడని జాతీయ దర్యాప్తు సంస్థ ఆరోపించింది.

మార్చిలో తన బెయిల్ పిటిషన్లో, స్వామి తన రచనలు ప్రజల కుల, భూ పోరాటాలకు సంబంధించిన పనుల కారణంగా తనను ఎన్ఐఏ లక్ష్యంగా చేసుకున్నట్లు చెప్పారు.

2017 లో పూణే సమీపంలోని భీమా కోరెగావ్ గ్రామంలో కుల హింసను ప్రేరేపించే కుట్రలో స్వామి ప్రమేయం ఉన్నట్లు రుజువు చేయడానికి తగిన ఆధారాలున్నాయని ఎన్‌ఐఏ పేర్కొంది.

డిసెంబర్ 31, 2017 న పూణేలోని శనివార్ వాడాలో జరిగిన ఎల్గర్ పరిషత్ సభలో పలువురు కార్యకర్తలు, విద్యావేత్తలు ఉద్రిక్త ప్రసంగాలు చేశారని ఆరోపించారు. మరుసటి రోజు భీమా-కోరెగావ్ యుద్ధ స్మారక చిహ్నంవద్ద జరిగిన హింసకు కారణమయ్యారని అధికారులు పేర్కొన్నారు .ఆయన భౌతిక కాయాన్ని ఆయన ఆత్మబంధువులైన ఆదివాసీలకు అప్పగించాలని పలువురు ప్రముఖులు డిమాండ్ చేస్తున్నారు.