Tamilaga Vettri Kazhagam-Vijay: తమిళనాడు అసెంబ్లీ ఎన్నికల్లో గేమ్చేంజర్గా తమిళాగ వెట్రిక్ కళగం – విజయ్ కీలక పాత్ర
విజయ్ కీలక పాత్ర
Tamilaga Vettri Kazhagam-Vijay: తమిళనాడు శాసనసభ ఎన్నికలు సమీపిస్తున్న నేపథ్యంలో తాజా సర్వే ఫలితాలు రాజకీయ వర్గాల్లో ప్రకంపనలు సృష్టిస్తున్నాయి. డీఎంకే కూటమికి 104 నుంచి 114 స్థానాలు మాత్రమే దక్కే అవకాశం ఉండగా, అన్నాడీఎంకేకు 127 స్థానాలు వచ్చే సూచనలు కనిపిస్తున్నాయి. మెజారిటీకి కావాల్సిన 118 స్థానాల సమీపంలోనే డీఎంకే కష్టపడుతుందని సర్వేలో తేలింది.
నటుడు విజయ్ నేతృత్వంలోని తమిళాగ వెట్రిక్ కళగం (టీవీకే) ఈ ఎన్నికల్లో 15 శాతం ఓట్లు సాధించి కింగ్ మేకర్గా నిలిచే అవకాశం ఉందని సర్వే ఫలితాలు స్పష్టం చేస్తున్నాయి. నామ్ తమిళర్ కట్చి 8 శాతం ఓట్లతో నాల్గవ స్థానంలో నిలుస్తుందని తెలుస్తోంది.
డీఎంకే అసంతృప్తి ఓట్లు సాధారణంగా అన్నాడీఎంకేకు వెళ్లకుండా విజయ్ టీవీకేకు మళ్లే అవకాశం ఉండటం ఈ ఎన్నికల్లో కీలక మలుపుగా మారింది. దీంతో అనేక నియోజకవర్గాల్లో డీఎంకే స్వల్ప తేడాతో ఓడిపోయే పరిస్థితి ఏర్పడిందని విశ్లేషకులు అంచనా వేస్తున్నారు. డీఎంకే, అన్నాడీఎంకే మధ్య విజయ్ పొందే 15 శాతం ఓట్లు ఎవరు అధికారంలోకి రావాలో నిర్ణయిస్తాయని తాజా సర్వే నిర్ధారించింది.
రాజకీయ నిపుణులు స్టాలిన్, ఎడప్పాడి పళనిస్వామి ఇద్దరిలో ఎవరు ముఖ్యమంత్రి కావాలనేది విజయ్ నిర్ణయించే శక్తిగా మారతారని అంటున్నారు. ఈ సర్వే ఫలితాలు తమిళనాడు రాజకీయాల్లో ఆసక్తికరమైన చర్చలకు దారితీస్తున్నాయి.
అయితే విజయ్ ప్రస్తుతం వ్యక్తిగత సమస్యలతో సతమతమవుతున్నారు. విజయ్-త్రిష వ్యవహారం, కరూర్ తొక్కిసలాట కేసు వంటి అంశాలు అతని రాజకీయ ప్రయాణానికి సవాలుగా మారాయి. సర్వేలో చెప్పినట్లుగా విజయ్ తన ప్రభావాన్ని చూపగలరా లేదా అనేది ఎన్నికల ఫలితాలు వచ్చిన తర్వాతనే తేలనుంది.
ఈ ఎన్నికల్లో టీవీకే 15 శాతం ఓట్లు సాధించి ఎవరు అధికారం ఏర్పాటు చేయాలనేది నిర్ణయించే కీలక శక్తిగా నిలుస్తుందని రాజకీయ విశ్లేషకులు అంచనా వేస్తున్నారు. డీఎంకే, అన్నాడీఎంకేను ఇష్టపడని ఓటర్ల ఓట్లు ఎక్కువగా విజయ్ పార్టీ వైపు మళ్లే అవకాశం ఉందని సర్వే సూచిస్తోంది.