Arch-Rivals Set to Clash Tomorrow: రేపే దాయాదుల పోరు.. పాకిస్తాన్‌తో టీమిండియా ఢీ..

Arch-Rivals Set to Clash Tomorrow: రేపు భారత్-పాకిస్తాన్ హై-వోల్టేజ్ పోరుకు... సమయం ఆసన్నమైంది! రేపు జూన్ 14న బర్మింగ్‌హామ్‌లోని ప్రసిద్ధ ఎడ్జ్‌బాస్టన్ మైదానంలో... దాయాదుల సమరం జరగనుంది. గత ఏడాది వన్డే వరల్డ్ కప్ గెలిచి, ఐసీసీ ట్రోఫీ కలను నెరవేర్చుకున్న భారత మహిళల జట్టు... ఇప్పుడు అదే జోష్‌లో పొట్టి ఫార్మాట్ టీ20 వరల్డ్ కప్‌ను కూడా ముద్దాడాలని చూస్తోంది. గతంలో ఐదుసార్లు సెమీఫైనల్, ఒకసారి ఫైనల్ చేరినా... తృటిలో చేజారిన కప్పును ఈసారి ఎలాగైనా సొంతం చేసుకోవాలనే కసితో... కెప్టెన్ హర్మన్‌ప్రీత్ కౌర్ సేన బరిలోకి దిగుతోంది. తటస్థ వేదికపై జరిగే ఈ పోరులో పాకిస్తాన్‌ను చిత్తు చేసి... టోర్నీని గ్రాండ్ విక్టరీతో స్టార్ట్ చేయాలని భారత్ పట్టుదలతో ఉంది.

మరి ఈ బ్లాక్ బస్టర్ మ్యాచ్... ఎప్పుడు స్టార్ట్ అవుతుంది? లైవ్ ఎక్కడ చూడాలంటే... భారత కాలమానం ప్రకారం ఈ మ్యాచ్ రాత్రి 7 గంటలకు ప్రారంభమవుతుంది. అంతకంటే అరగంట ముందే... అంటే 6:30 గంటలకే టాస్ పడనుంది. సండే ప్రైమ్ టైమ్‌లో మ్యాచ్ ఉండటంతో... క్రికెట్ ఫ్యాన్స్‌కు ఫుల్ వినోదం గ్యారెంటీ! ఈ మ్యాచ్‌ను మీ టీవీల్లో చూడాలనుకుంటే... స్టార్ స్పోర్ట్స్ ఛానెళ్లలో వీక్షించవచ్చు. ఒకవేళ మొబైల్స్ లేదా స్మార్ట్ టీవీల్లో డిజిటల్ స్ట్రీమింగ్ చూడాలనుకుంటే... జియోహాట్ స్టార్ (JioHotstar) యాప్, వెబ్‌సైట్ ద్వారా లైవ్ ఎంజాయ్ చేయొచ్చు.

ఇక ఇరు జట్ల హెడ్ టు హెడ్ రికార్డులను ఒకసారి పరిశీలిస్తే... పాకిస్తాన్‌పై టీమిండియాదే పూర్తి ఆధిక్యం కనిపిస్తోంది. మహిళల టీ20 క్రికెట్ హిస్టరీలో ఇరు జట్లు ఇప్పటి వరకు 16 మ్యాచుల్లో తలపడగా... భారత్ ఏకంగా 13 విజయాలతో టాప్‌లో ఉంది. పాకిస్తాన్ కేవలం 3 సార్లు మాత్రమే గెలిచింది. ఇక టీ20 వరల్డ్ కప్ మెగా టోర్నీ విషయానికి వస్తే... ఇరు జట్లు తలపడిన మ్యాచుల్లో భారత్ 6 సార్లు విక్టరీ సాధించగా, పాక్ 2 సార్లు గెలిచింది. ప్రపంచ ర్యాంకింగ్స్‌లో టీమిండియా నెంబర్ 3 పొజిషన్‌లో ఉంటే, పాకిస్తాన్ నెంబర్ 8లో కొనసాగుతోంది. అయితే... పాక్ సాధించిన 3 విజయాలలో... రెండు వరల్డ్ కప్ వేదికలపైనే వచ్చాయి కాబట్టి... హర్మన్ సేన కాస్త జాగ్రత్తగా ఆడాల్సిందే. మరి ఈ మహా సంగ్రామంలో మన భారత నారీమణులు ఎలాంటి విశ్వరూపం చూపిస్తారో చూడాలి!