Big Blow for Team India: టీమిండియా స్టార్ ఆల్‌రౌండర్ హార్దిక్ పాండ్యా ఫిట్‌నెస్ మరోసారి భారత క్రికెట్ వర్గాల్లో తీవ్ర చర్చనీయాంశంగా మారింది. ఐపీఎల్ 2026 ముగిసినప్పటి నుంచి మైదానానికి దూరంగా ఉంటున్న పాండ్యా రీఎంట్రీ మరింత ఆలస్యమయ్యేలా కనిపిస్తోంది. ఇప్పటికే న్యూజిలాండ్ పర్యటనకు ఎంపిక కాని హార్దిక్, రాబోయే శ్రీలంక, జింబాబ్వే సిరీస్‌లతో పాటు దేశవాళీ వైట్-బాల్ టోర్నీలకు కూడా దూరమయ్యే అవకాశాలు స్పష్టంగా ఉన్నాయి. దీంతో ఆయన నేరుగా ఐపీఎల్ 2027లోనే బరిలోకి దిగే సూచనలు కనిపిస్తున్నాయి.

మళ్లీ తిరగబెట్టిన గాయం.. ఏం జరిగింది?

గత కొన్ని నెలలుగా బెంగళూరులోని బీసీసీఐ సెంటర్ ఆఫ్ ఎక్సలెన్స్ లో హార్దిక్ పాండ్యా రిహాబిలిటేషన్, ట్రైనింగ్ తీసుకుంటున్నారు. అయితే సెప్టెంబర్‌లో మ్యాచ్ సిమ్యులేషన్ ప్రాక్టీస్ చేస్తున్న సమయంలో ఆయన పిక్క కండరాల వద్ద స్ట్రెస్ ఇంజురీ మళ్లీ తిరగబెట్టింది. దీంతో ఆయన కమ్‌బ్యాక్ ప్రక్రియ మళ్లీ మొదటికి వచ్చింది.

తాజా సమాచారం ప్రకారం..

వచ్చే 3 వారాల తర్వాతే పాండ్యా నెమ్మదిగా లైట్ రన్నింగ్ ప్రారంభించనున్నారు. ఆ తర్వాత క్రమంగా రన్నింగ్ లోడ్ పెంచి, పూర్తిస్థాయి క్రికెట్ ప్రాక్టీస్ మొదలుపెట్టేందుకు మరింత సమయం పడుతుంది. ఈ క్రమంలో డిసెంబర్-జనవరిలో శ్రీలంకతో జరగనున్న వన్డే, టీ20 సిరీస్‌లతో పాటు, జనవరి 2027లో జింబాబ్వేతో జరగనున్న వన్డే సిరీస్‌కు కూడా ఆయన అందుబాటులో ఉండటం అసాధ్యంగా మారింది.

మూడు సార్లు రీఎంట్రీకి బ్రేక్!

ఐపీఎల్ 2026 ముగిసిన తర్వాత హార్దిక్ పాండ్యా టీమిండియాలోకి తిరిగి రావడానికి చేసిన ప్రయత్నాలు దాదాపు మూడు సార్లు గాయాల వల్లే ఆగిపోయాయి. రెండు సందర్భాల్లో అయితే ఆయన జట్టుకు ఎంపికైనప్పటికీ, చివరి నిమిషంలో గాయం తిరగబెట్టడంతో వైదొలగాల్సి వచ్చింది.

వరల్డ్ కప్ 2027 ప్రణాళికలపై ప్రభావం?

హార్దిక్ పాండ్యా ఫిట్‌నెస్ సమస్యలు ఇలాగే కొనసాగితే, ఆయన కేవలం రెండు నెలల పాటు జరిగే ఐపీఎల్‌కు మాత్రమే పరిమితమవుతారా? అన్న ప్రశ్నలు క్రికెట్ వర్గాల నుంచి వ్యక్తమవుతున్నాయి. 2027 వన్డే ప్రపంచకప్‌కు సన్నాహాలు సిద్ధం చేసుకోవాల్సిన సమయంలో కీలకమైన ఆల్‌రౌండర్ నిరంతరం గాయాల బారిన పడుతుండటం భారత జట్టు మేనేజ్‌మెంట్‌కు పెద్ద తలనొప్పిగా మారింది.

Tags: