Cricketer AB de Villiers: గంభీర్ ఎమోషనల్ ప్లేయర్..టీమిండియాకు పనికిరాడు

Cricketer AB de Villiers: గౌతమ్ గంభీర్ పై దక్షిణాఫ్రికా మాజీ దిగ్గజ క్రికెటర్ ఏబీ డివిలియర్స్ (AB de Villiers) చేసిన వ్యాఖ్యలు ప్రస్తుతం క్రికెట్ వర్గాల్లో చర్చనీయాంశమయ్యాయి.ఈ వ్యాఖ్యలు ముఖ్యంగా భారత జట్టు దక్షిణాఫ్రికాతో టెస్ట్ సిరీస్‌లో వైట్‌వాష్ అయిన తర్వాత (2-0తో ఓడిపోయిన తర్వాత) వచ్చాయి. డివిలియర్స్ తన వ్యాఖ్యలను రవిచంద్రన్ అశ్విన్ (R Ashwin) యూట్యూబ్ ఛానెల్‌లో పంచుకున్నారు.

డివిలియర్స్, గంభీర్ కోచింగ్ శైలిపై తన అభిప్రాయాన్ని ఈ విధంగా వ్యక్తం చేశారు

నాయకత్వ పరంగా (కోచింగ్) గౌతమ్ గంభీర్ ఎలా ఉంటారో నాకు తెలియదు. ఆటగాడిగా నేను అతన్ని భావోద్వేగపూరితమైన వ్యక్తి గా చూశాను.ఒకవేళ అదే భావోద్వేగం డ్రెస్సింగ్ రూమ్‌లో కూడా కొనసాగితే, సాధారణంగా భావోద్వేగపూరితమైన కోచ్ జట్టుకు అంత మంచిది కాదు.అయితే, తెరవెనుక గంభీర్ ఎలాంటి నాయకుడో లేదా కోచో తనకు కచ్చితంగా తెలియదని డివిలియర్స్ స్పష్టం చేశారు. ఆటగాళ్ల సౌలభ్యంపై ఇది ఆధారపడి ఉంటుందని, కొంతమంది మాజీ ఆటగాడు కోచ్‌గా ఉంటే సౌకర్యంగా ఫీల్ అవుతారని, మరికొందరు అనుభవం ఉన్న నాన్-ప్లేయింగ్ కోచ్‌తో సౌకర్యంగా ఫీల్ అవుతారని ఆయన వివరించారు.

దక్షిణాఫ్రికాతో జరిగిన మొదటి టెస్ట్ (కోల్‌కతాలో) ఓటమి తర్వాత కూడా డివిలియర్స్ గంభీర్‌పై పరోక్షంగా వ్యాఖ్యలు చేశారు.భారత జట్టుకు అనుకూలంగా పిచ్ తయారు చేయించుకున్నా ఓడిపోవడాన్ని ప్రస్తావిస్తూ, గంభీర్, ఆటగాళ్లను ఉద్దేశించి "మీరు కోరుకున్న పిచ్ ఇదే కదా, మరి ఎందుకు రాణించలేకపోయారు?" అని పరోక్షంగా ప్రశ్నించారు.