World Record: ప్రపంచ రికార్డ్ సృష్టించిన జైస్వాల్..

World Record: టెస్ట్ క్రికెట్ ప్రారంభమై సరిగ్గా 148 ఏళ్లు అయింది. టీమిండియా యువ బ్యాట్స్‌మన్ యశస్వి జైస్వాల్ 148 ఏళ్లలో ఏ బ్యాట్స్‌మన్ సాధించని ప్రత్యేక ప్రపంచ రికార్డును నెలకొల్పాడు. ప్రత్యేకత ఏమిటంటే అది కూడా కేవలం 2 ఏళ్లలోనే. లీడ్స్‌లో ఇంగ్లాండ్‌తో జరిగిన తొలి టెస్ట్ మ్యాచ్‌లో యశస్వి జైస్వాల్ అద్భుతమైన సెంచరీ సాధించడం ద్వారా మంచి ఆరంభాన్ని ఇచ్చాడు. ఈ మ్యాచ్‌లో ఇన్నింగ్స్ ప్రారంభించిన జైస్వాల్ 159 బంతుల్లో 1 సిక్స్, 16 ఫోర్లతో 101 పరుగులు చేశాడు.

ప్రత్యేకత ఏమిటంటే.. ఇది యశస్వి జైస్వాల్ కు తొలి ఇంగ్లాండ్ టెస్ట్ సిరీస్. అంటే ఇంగ్లాండ్ తొలి టెస్ట్ మ్యాచ్‌లో విజయవంతమైన సెంచరీ సాధించి ఔరా అనిపించాడు. ఈ సెంచరీతో ఈ యువ బ్యాట్స్‌మన్ టెస్ట్ క్రికెట్‌లో కొత్త చరిత్రను లిఖించాడు. టెస్ట్ క్రికెట్ చరిత్రలో ఏ బ్యాట్స్‌మన్ కూడా మూడు ప్రధాన దేశాలతో జరిగిన విదేశీ సిరీస్‌లోని మొదటి మ్యాచ్‌లో సెంచరీ సాధించలేదు. కానీ రెండేళ్ల క్రితం తన టెస్ట్ కెరీర్‌ను ప్రారంభించిన యశస్వి జైస్వాల్ అలాంటి ఘనతను సాధించి కొత్త చరిత్ర సృష్టించాడు.

2023లో కరేబియన్ ద్వీపంలో వెస్టిండీస్‌తో జరిగిన మ్యాచ్‌లో మైదానంలోకి వచ్చిన యశస్వి జైస్వాల్ 171 పరుగులు చేశాడు. దీని తర్వాత 2024లో ఆస్ట్రేలియాలో తన తొలి సిరీస్ తొలి మ్యాచ్‌లో 161 పరుగులు చేశాడు. తొలిసారి ఇంగ్లాండ్‌లో టెస్ట్ ఆడుతున్న జైస్వాల్ సెంచరీతో సత్తా చాటాడు. యశస్వి జైస్వాల్ వెస్టిండీస్, ఆస్ట్రేలియా, ఇంగ్లాండ్‌లలో తన మొదటి టెస్ట్‌లోనే సెంచరీ చేసిన ప్రపంచంలోనే ఏకైక బ్యాట్స్‌మన్‌గా ప్రపంచ రికార్డు నెలకొల్పాడు. దీంతో 148 ఏళ్ల టెస్ట్ క్రికెట్ చరిత్రలో మరెవరూ సాధించలేని అరుదైన ప్రపంచ రికార్డును జైస్వాల్ నెలకొల్పడంలో విజయం సాధించాడు.