KL Rahul’s Century: కేఎల్ రాహుల్ సెంచరీ.. . ఇంగ్లాండ్ గడ్డపై రికార్డులు బద్దలు!

KL Rahul’s Century: భారత్, ఇంగ్లాండ్ జట్ల మధ్య జరుగుతున్న మూడో టెస్ట్ మ్యాచ్ మూడో రోజున కెఎల్ రాహుల్ తన 10వ టెస్ట్ సెంచరీ సాధించి జట్టును క్లిష్ట పరిస్థితి నుండి కాపాడారు. భారత్ తన తొలి ఇన్నింగ్స్‌లో మూడు వికెట్లకు 107 పరుగులతో కష్టాల్లో ఉండగా, రాహుల్ రిషబ్ పంత్ బాధ్యతాయుతంగా బ్యాటింగ్ చేసి జట్టును ఆదుకున్నారు. రాహుల్ 176 బంతుల్లో తన 10వ టెస్ట్ సెంచరీని సాధించాడు, ఇందులో 13 ఫోర్లు ఉన్నాయి. ఇంగ్లాండ్‌లో ఇది అతని నాల్గవ టెస్ట్ సెంచరీ, ఓపెనర్‌గా ఈ ఘనత సాధించిన మొదటి భారతీయుడిగా రాహుల్ నిలిచాడు. ఈ సెంచరీతో, కెఎల్ రాహుల్ లార్డ్స్‌లో రెండు సెంచరీలు సాధించిన రెండవ భారత ఓపెనింగ్ బ్యాట్స్‌మన్ , ఆసియాలో మొదటి ఆటగాడు అయ్యాడు.

SENA (దక్షిణాఫ్రికా, ఇంగ్లాండ్, న్యూజిలాండ్ ఆస్ట్రేలియా) దేశాలలో అత్యధిక పరుగులు చేసిన రెండవ భారత ఓపెనింగ్ బ్యాట్స్‌మన్‌గా KL రాహుల్ నిలిచాడు. సునీల్ గవాస్కర్ 57 ఇన్నింగ్స్‌లలో 2464 పరుగులతో అగ్రస్థానంలో ఉన్నాడు. రాహుల్ 45 ఇన్నింగ్స్‌లలో 1608 పరుగులు చేశాడు. సెహ్వాగ్ 1574 పరుగులు, మురళీ విజయ్ 1285 పరుగులు గౌతమ్ గంభీర్ 960 పరుగులతో తర్వాతి స్థానంలో ఉన్నారు.

ఈ మ్యాచ్ లో రాహుల్ కు రిషబ్ పంత్ చక్కటి సహకారం అందించాడు. వీరిద్దరూ కలిసి 141 పరుగుల భాగస్వామ్యం నెలకొల్పి భారత్ కు ఊతం ఇచ్చారు. పంత్ 112 బంతుల్లో 8 ఫోర్లు, 2 సిక్సర్లతో 74 పరుగులు చేశాడు. ఒక సిక్సర్ తో అర్ధ సెంచరీ పూర్తి చేసుకున్న పంత్, బెన్ స్టోక్స్ త్రోతో రనౌట్ అయి నిరాశతో పెవిలియన్ కు వెళ్లాడు.

ఈ సిరీస్‌లో రిషబ్ పంత్ అద్భుతమైన ఫామ్‌లో ఉన్నాడు. ఇంగ్లాండ్‌లో ఒకే టెస్ట్ సిరీస్‌లో 400 పరుగులు చేసిన తొలి విదేశీ వికెట్ కీపర్‌గా అతను నిలిచాడు. మొదటి టెస్ట్‌లోని రెండు ఇన్నింగ్స్‌లలో అతను సెంచరీలు సాధించాడు, ఆ తర్వాత రెండవ టెస్ట్‌లోని రెండవ ఇన్నింగ్స్‌లో హాఫ్ సెంచరీ మూడవ టెస్ట్‌లోని మొదటి ఇన్నింగ్స్‌లో హాఫ్ సెంచరీ సాధించాడు.